ردتك فرحتي والله ..
گبل جيتك هوْيت الـ ااخ
چانت شمس ضيم إمعزبة لـ اكتاري
چانت تبتشر لمّن سموم الوحشة تدنالي
وأفززها بـ لهب ناري
و أول ما لحت فيّك حمدت الله ،
ولا چنت ادري بـ فيايك دغش عاگول ،
يسيّر وين ما صبخة تفرفحلة
وانة مناطرك نعناع وبرودت عصر تمرگ على القدّاح
بـ وكت أزمة هوى والناس مخنوگين
ردت اكبرلي ريّة بـ عطرك الفوّاح
ردت ارتاح ،
بس ارتاح
ما ردتك تچمل تعبي ودموعي
ما ردتك تشبّب نار ، بـ شموعي
ردتك تنتشلني الدنية الفرحة وتعلگني حرز للـ ااه
ونتيه إبين الولايات
ضحكة
وكهكهة حجلين
وما يمرگ على الشفتين طاري إشااه
ردتك فرحتي والله ..
مريم جواد
رد مع اقتباس
