هنا

[الشاعر هاني حماده]

بعتنا بسوك بي شرايه بس شمات
وحنه ابعز فقرنا ونستحي نبيعك
مثل يعقوب حزني بسبب فركاك
بيض اعيوني صارن غوشن كلش
البلبل بالقفص لو رايده يموت
بس ذكره بعشرته ويالبساتين
ادك بيبان عنك وأسأل الناس
الشماته اتكلي طالع الله ينطيك
من كد ما تجي وتروح عالبال
ضل بعقلي بس اثار رجليك
اهز كاروك جرحك وسهر وياه
شمالك يا جرح ما تغفه وتنام
اسولف ظيم حبي للعصافير
خذن مني جكاره وكامن يدخنن
كتبت ذكرى {احبك} شككتهه شلون
انا حته {ال أكرهك} محتفظ بيهه
يل وجهك درس ما ينحفظ للموت
وعيونك مسائل ياهو اليحلهن
انه انطيتك كلب شايل هوه العشرين
ليش ترجعه شايب بيده عكازه
تمسح رقمي عادي او ينتهي الموضوع
عدنة ايام حلوة اشلون تنساهى
يالمنطيني ظهرك عادي الله ويـــــــــــاك
بس سولفلي وجهك المن انطيتـــــــه
جرحك حيل شاطر طالع اعفاء
لأن خريج كليه خناجر
.من كد الندم ماعندي بعد الجفوف
اصبع صار كلبي وحيل عظيته
حان الآن موعد الله وياك
حسب شلعان كلبي وكثرت النـــــــــوح
صرت وياي شايل طبع عزرائيل
تلاكيني عدل وتعوفني جنازه
خــــذت صــــورة لدمعتـــي بفرحتـــي لملكــــاك
تــراويهــه لشمـاتـــــــــه تـكـــــــــــول بجيتـــــــه
يوم موادعك جن حمزه من طاح
شتضن ضل واهس بفلم الرساله
على فراكك كطعت حتى أليدين..
وباجر عرس أخوي وبيش اصفك
اذامتحبني بيه تعرفت ليش؟؟
جا هو آني عايز كلبي تجريح
جاهل حارمه من كل الالعاب
عليمن جايبه بصف المراجيح
لاترحل .... بعد موتني فد نوب
كمل فضل غدرك طلع الروح
بعدني ارفس ولك لتشوفني الناس
كمل ذبحتك.... وبراحتك روح

[انثى مخمليةة]

كلام جميل

[فقار الكرخي]

عاشت ايدك
واتمنى ان تعمل بحث للموضوع قبل نشره
حتى تعرف ان كان مكرر او لا

[حہيہدر الہبغہداديہ]

دُمتَمْ بِهذآ الع ـطآء أإلمستَمـرٍ
يُسع ـدنى أإلـرٍد على مـوٍأإضيعكًـ
وٍأإألتلـذذ بِمـآ قرٍأإتْ وٍشآهـدتْ
تـقبلـوٍ خ ـآلص إحترامي
لآرٍوٍآح ـكُم أإلجمـيله