( ناجتس الدجاج )
المكونات :
نص كيلو صدور دجاج مفرومه
١ بطاطس مسلوقه و مهروسه
معلقة بقسماط
نص معلقه صغيره ثوم بودر
نص معلقه صغيره بصل بودر
ملح و فلفل أسود
رشه زعتر مطحون
رشه بابريكا
الطريقه :
هنخلط كل المكونات مع بعضها و ندخلها الثلاجه من نص ساعه لساعه عشان تكون سهله في التشكيل .
هنخرجها من التلاجه و نفردها على كيس و نقطعها بالشكل اللي عاوزينه و نخلص الكميه و نرجع ندخلها الثلاجه تاني ساعه
الطبقه الخارجيه :
نص كوب بقسماط
ربع كوب دقيق
معلقتين سميد بسبوسه
معلقة نشا
نص معلقة بيكنج بودر
بيض و لبن
هنقلب البيض و اللبن و عليهم رشة ملح و فلفل.
هنقلب المكونات الجافه البقسماط و الدقيق و سميد البسوسه و النشا و البيكنج بودر و نضيف رشه خفيفه من التوابل اللي استخدمناها ملح و فلفل و توم و بصل بودر و زعتر و بابريكا
هنخرج الناجتس من التلاجه و ننزله في البيض و اللبن و نخرجه على الخلطه اللي عملناها و ندخله التلاجه تاني نص ساعه
القلي :
هننزله في زيت متوسط الحراره عشان يستوي و ميتحرقش اول ما ياخد اللون المطلوب نقلبه الناحيه التانيه و نخرجه على ورق مطبخ و ننقله في طبق التقديم و بألف هنا
ملحوظه :
_ممكن نضيف شطه لو حابينه سبايسي .
_ممكن نغير في الطبقه الخارجيه حسب المتاح ممكن نضيف _كورن فليكس مجروش أو شوفان مجروش أو دقيق ذره .
_نراعي الملح و التوابل عشان متكونش كتير و تبوظ طعمه .
_ممكن نعمله دواير عاديه بإيدنا
.
_ممكن نحشي خضار او موتزريلا و شيدر لزيادة القيمه الغذائيه.
رد مع اقتباس
