لملمت كل حسره بيه
من بعد جدحة عيونك
بسمرت گلبي بصفنتي
ولملمت كل حسره بيه
وجدمي أخذني بلا وداع ..
مسافر بغربة أيامي
سندباد بكل مدينه
حزني ودموعي متاع ..
ليلي وهمومي قصايد
والعمر زيبگ بچف
سكران ضاع ..
والوكت لمضة ضوه
بشباچ حاير ..
تاه جدمي بكل جرف
عطشان ماي وليلي وحشه
وبيه مخنوگه المشاعر ..
لا ورد عطرك يفيضني
ولا طيفك يمرني
لا تجيني تجيسني
رچفة برد وتگلي باچر
العمر ما بيه بعد
ياعيني باچر ..
العمر حسرة گلب متعوب
ودموع وگناطر ..
الدنيه صم تراب
وأشـواگ ومحطات
وحزن يكسر الخاطر ..
همي وحروفي رسايل
تشتكيلك .. هاك گلبي
الضام حسباته دفاتر ..
جدحة أعيونك گبل چانت
مراسيل ومحبه وهسه غيض
وحقد وسموم وخناجر ..
م
رد مع اقتباس
