هنا

[الشاعر هاني حماده]

انوحن على الاخذ كلبي وفر بيه
وشفته على الجمر حطه وفر بيه
ليش الاضحك بوجهه وفر بيه
يخلي بالظهر طعنات بيه
يكلبي بيش اجبرتك ولحماك
ولا واحد شكف دونك ولحماك
يجيك الضيم من دمك ولحماك
عكب طيبك يجازوك برديه
لو ما اعرفج بشر من صلب ابا وجد
جاكلت ظبيا علاماتج عيون وجد
خليني يمج اتيه بغزل شاعر وجد
يا عذب ماي الحياة ابشوك راويني
للحب روايه صرت للناس راويني
بجامعة حبج ادروس ادرست روايني
نسبة نجاح الدراسة المثل من جد وجد
عيوني تعاين عل الدرب وتراب
وروحي مايهمها الخطر وتراب
الشامت يرى كبرك حجر وتراب
ويرى التاريخ كبرك مزهريه
الجرح كل ساع يصرخ وانه اسكته
وعليك العمر كله وانه سكته
وقطار الحزن صاير وانه اسكته
وطابعهن ظلوعي اعله الوطيه
تمشي بغنج تتمايل لها طول
هنياله الضحكة بوجهه ولها طول
يعامر انت شايفها لها طول
تهيم كل لبيب بهالبرية
ابخدر وصعد عليها ساف من ساف
وشفت اجعود فوك المتن من ساف
لها يمة محمــــــد عين من ساف
ولـــــــــها لحظ اليوسدني المنيه
***
وحك آية عصى موسى وسينه
الك حثت ركايــبنه وسينه
الك حسن النبي يوسف وسينه
الي والجنة الك والنار اليه
***
الك حاجب شوصفنه ولك عين
ولك بسهام ترميني ولك عين
ولك هوّد ولك بطل ولك عين
ولك مو دوم تتمرجح عليه
خوذوا من درس كلبي على يوم
وتضل اديارنه لازم على يوم
اشما طالت سلامتنه على يوم
على الحدبه انحمل لأرض الوطيه
***
شبجنه ومالويت الترف بالواي
شكثر كلبي حركله اسلاف بالواي
مثل أيــــوب يالعشاك بالواي
على ساعه وتبادرني المنيــه
بجيت ابدم دمع لرداي يبلين
على كشح النحيل الحمل يبلين
وراسك لو اعظام اعضاي يبلين
بثرى لحدي وهواك امحيط بيه
***
بعد مستنصح الدنيه وليمان
جزتني وكمت ادك عسمه وليمان
غريب الشام يرجعلي وليمان
غريب البالحد ماعاد اليه
احوم وتعبن اجدامي من الطيف
وكمت ما اميز الواقع من الطيف
هلال ولون وجناته من الطيف
سبن عقلي وتهت فوك الوطيه
*******
الونين الموش الكم ماهوونكم
بسبب لن المصايب ماهونكم
افزع كمت ادور ماهوونكم
ردت ربعي لجن شحو عليه
*******
جبيره علتي ومامش طبله
وعلي دنياي متحزم طبله
تدري الناس ياهو الي طبله
ابليس وخرب الخي وي اخيه
أبجليب أظلم تذب أرشاك ودلاك
ولا صح لك صديج أرشدك ودلاك
ولا كلمن توده صار ودلاك
أبكلبه ولا خلص وياك نيّه
المصايب لو لفن للحيد يدهن
مثل مكر النسا على الرجل يدهن
وحك الزاجيات أو شرف يدهن
يذلن كل شخص بيه الحميه
أبد ما تم فكر عندي ولا راي
ولا مزنه أشبهت دمعي ولا راي
فديت العين والجبده ولا راي
هيج أنه العلي واجب عليه
عليه ثوب الونين شكثر حالــــــــــــــــــــــ ـــــــي
شباب وهل شبت من دون حالــــــــــــــــــــــ ـــي
اسئلك عن احوالك مثل حالــــــــــــــــــــــ ـــــــــي
انه طايح والهموم اشيل بيه
*********************
سبع سنين وصلك جنت بس عود
وهسه اني من الهجران بس عود
دكافي ياشريك العكل بس عود
ترة من تعود روحي ترد اليه
**********************
يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه
الروح وياك ماكضت وطرها
ومثل لوحه الوكت طكها وطرها
الكلايف وحدي امشيها وطرها
عثرت وما سمعت اسم الله ليه
نزر بالريح يجفل كهربانه
اشما تفركني افوحن كهربانه
خزرنه ومن خزرته كهربانه
انتلنه وشفنه من عده المنيه
آشبگلک اسنيني بچتافات
ولا تحگر النمله بچتافات
الرجل بالک يغرک بچتافات
آعراض ومايحل لصبع قضيه
اليالي علن الناصي وعضمن
وگبل بليس ناصحمن وعضمن
نلوم الچلب خرمشمن وعضمن
لوم ابنادم العض حته اخيه
الوكت زامطته گتله والکواريك
وآله بثره الخيبه والکواريک
عشرتي وياک مرضع والکواريك
أدفعك غاد ودري ترد اليه
الواح الناس لاحت مايلوحك
ونشف بؤل هبوبي مايلوحك
تدري ليش سهمي ما يلوحك
زغير وماتشوفك عين اديه
الوكت سويته حرمه وشيليته
وبدي كارة مذله شيليته
أخو الجبته جاري شيليته
طلع علاس ويدلي عليه
انعميت وما اشوف انه وضلماي
على موتي تعاونوا ربعي وضلماي
لهاتي من العطش يبست وضلماي
اختفه من الكاع بس مديت اديه
الكلب والعين محبوبي ترك لك
وجميع اعضاي من تبعد ترك لك
بجمالك لاتصف يمي تراك لك
واذبك عضم لاتكرب عليه
جهه بروحي كلاهه الهم جهنم
وربعي بساعة الشده جهنوم
جنه منيلك كلك جهنم
اموعن ولك لاتكرب عليه
كلبي من البواجي عليك دردم
وتظل بعيني يبن الناس دردوم
ادري الشامت انه وياك دردم
لجن شخصك جبل فوك الوطيه
انه الشديت جرحك ليش حليت
ومثل حلت مدارس علي حليت
دخلت انه امتحان وغلط حليت
شجاوب وانته شاغل حته اديه
وحك من هدن وجالن وصالن
ياهوالمثلي يوصلك وصالن
اعضاي اليوم سجدلك وصلن
لان محراب احس وجهك اليه
لحوك بثوب حسنك و انسجنه
بجهنم حبك ارضه و انسه جنه
انحبسنه بقفص عينك و انسجنه
و تحط رمشك كلبجات بأديــــــه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
عكلي ما دلا لغيرك دلا لك
حلو و يمرعد بكلبي دلالك
كم كم خني و معاشر دلالك
صافي اشرب و خلي البثل ليه
بعد المن تتاني و ترتجي انته
تشيل تهيم حتما تره تجي انته
بلايه عضام تمشي و ترتج انته
اتفصخ خاف كل وصله بزويه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
و حكك عكب عينك ما رهمنه
و ابد مفتاح غيرك ما رهم النه
و لون ايوب يوما مره همنه
جر اذنه الصبر على البليه
نزل بالريح يجفل كهرب انه
شما تفركني افوحن كهرب انه
خزني و من خزرتك كهربانه
انتلنه و شفنه بي عين المنيه
يون كلبك و ندري ونته النه
تكهربنه بودادك و انتلنه
رخي ويه الناس شصك ونته النه
اجت سنارته بلا طعم بيه
جم حسره التهدنه و أخ تلفنه
و جم اخ الدمرنه و أخ تلفنه
لون احنه انجسمنه و اختلفنه
نطمع الشامت الذاته رديه
العمر ماي و تبده غفل و انجب
وكفهيت التنعثر و اكع و انجب
الوكت من زمخ كتله انلصم و انجب
و خزرته بغيض من عاين عليه
انه جروحي عرايس من افزهن
و غدت حمرة حلكهن من نزفهن
انه ازمخ عليهن من افزهن
انط زهكان و يضحكن عليه
يا كلبي تبرة احببك و عضك
و لا صحلك اخو ينصحك و يعضك
الناس التهمت بالعضني و عضك
للتخرمش مخالبهم قويه
الدنيه كسرت جفي و عضيدي
و بعد ميفيد عض شفتي و عض ايدي
شلي بدنياي لو غرب عضيدي
هذاك الجان من اوكع تجيه
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!
اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه
رماد الود على افراكه .. ولعناه
و***نه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟
مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه
كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه
متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه
شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه
عليك أكطع أدروب الخلكَ ولفاي
وحرم عيب أطب للنزل ولفاي
ولو غير الحمام يصير ولفاي
عتبت ولاعتاب على المنية
آخبط مزيج الرمل … والحر
وادور عالصديج الوفي … والحر
نخيت الله وابو الحسنين … والحر
يحفظ كل خوي يذكر خويــــــــــــة
تظل نجمه يضي العين بسماي
ويظل اسمك ياهيفاء بسماي
ومايروي العطش بجفاك بسماي
والعطش تروي بوصالك عليه
تدح عيونه على الدرب رابين
ولاجنه بهذيج الدار رابين
لون ضحكه الي وي اسحاق رابين
جاوده التمر بجيوسه اليه
**********
فأجابه اخيه الاكبر منه قائلاً
بحضيض انته لعد الهام بارك
ونسيت الي تعب وسنين بارك
شفرق بينك وبين يهود بارك
يهودي انته والنجاسه ذيج هيه
الدمع بالعين من شافتك لي لي
وكلبي يصيح هذا الحور لي لي
تدري شلون انه بجفاك ليلي
مسودن والنجم يشهد عليه
*****
اذكره بكل فرض واجب وبتلاي
وكلبي بتوته اله كلهن وبتلاي
اخيراً عاشرة غيري وبتلاي
يريت تشوف حالي شصار بيه
ورعنان
صبرنه حان عل البلوه ورعنه آن
كحيل عنان گطعهن وره عنان
لگه الخيال مو گدها ورعنان
استهظم خافن أتركبه الرديه
مركضها
على مرورة الحنظل مرّك اضها
ومره الروح اهدها ومره اكضها
الكحيله أتفرزن مركضها
الكديشه أطيح بول شوط هيه
وعضمن
اليالي علّن الناصي وعضمن
وگبل ابليس ناصح من وعض من
نلوم الچلب خرمش من وعض من
لوم ابنادم العظ حته اخيه
فهيمه
گضيت العمر هيمه اطوي فهيمه
بقزمته الوكت هدمني فهيمه
اذا حتى ألرفش صاير فهيمه
ابن اوى طلع خير عليه
ولف گام
خلافك من طحت مالي ولف گام
هجم طولك احل گامه ولف گام
الف يشرد لمن تمرگ ولف گام
ولف يوگف يأديلك تحيه
السماوه وناظم ابفد كلب ….. والراي
اهي جرة نفس بالروح .. والراي
مبدلهه ابملك قارون .. والراي
اليخون اسم السماوه يخون بيه
السماوه الغربي والشرقي .. بصلها
عدل ميت يهل تنشد .. بصلها
السماوه . الخبزه .. والملحه .. وبصلها
السماوه التجوه للرايد تجيه
السماوه طيب العذيبي .. وشمالاك
وشماهه هوه للحب .. وشمالاك
شمالك يا وكت عنهه .. شمالاك
ابعدني وناسهه شحوا عليه
انا منهه وصرت الهه .. ومنهه
وانا ابمر الوكت ما جزت .. منهه
يكلولي التحبهه امنين .. منهي
الاحبهه اسم السماوه السومريه
السماوه الاصل واحنه الفرع .. والعام
السماوه ابن الاخت والخال .. والعام
الفرق بين الامس واليوم .. والعام
تبدلنه واهي ظلت وفيه
يظل ينشان الي بخدك .. وسم بيك
ويظل حبي ابسجل حبك .. وسم بيك
اطلعت حيه رمل تكرص .. وسم بيك
اشمدريني اطلعت جانيلي حيه
حلو يازين يالطولك مناره
يسر العين والخاطر من اراه
تعذبنه يخلگ الله من وراه
نعوفه شلون مابيه اي اذيه
—
تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه
—
شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه
—
أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه
—
مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه
—
حبيبي من حلاها مره شفتك
وبعد عطشان يا سمر من رشفتك
لون فد يوم تصدف مره شفتك
جدك ما يخلصك من اديه
—
أصد لبعيد أعاين شفته لاله
على الفانوس وجهه وشفته لاله
أهيس وسط شفتي شفته لالا
ورد جوري أضن موشفه هيه
—
أحملت غصبن عليه جور أبيها
ودنيتي شكثر شايف جور بيها
الباري بشفته خلّه جوري بيها
لأن كلما اشمها تفوح هيه
—
بالحر والصحابه أقسمت مع جون
گلبي ويالهموم العليّ معجون
طماطه شفافچ الحلوات …معجون؟؟؟
الزمتهن صارت الحمره بديه
—
شفافك هذن يمدلل يلا تين
شكر طعّمهن الباري يلاتين
لاعد عرب موجوده يلا تين
گالوا عدحواري العين هيه
—
بحرنار آنه وانته يم شفاهي
وأنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه
—
شتظن هم يوم الك روحي تامن لك
جزعت بس روحي ما تگدر تملك
أذا مايوم صح منك تملك
حواسم لااخذ الشفه اليه
اگوم جلالا الحسنك و اقف لك
و اسجل گلبي ياخلي و اقفلك
و احطك بي و اقفلنه و اقفلك
و اطب بصدري و اقفلكم عليه
بس احنه المصايب صاحبنه
لان كل يوم نفگد صاحب النه
ابنه المات محد صاح ابنه
خاف انصيح و يعدمون اخيه
عيوني من فراگك سهرني
و كل ليله بغيابك ساهر اني
اتمنه اكونن مشعوذ او ساحر اني
و اجيبك غصب تتبوس اديه
حبيبي ما غفالي بغيابك جفن لي
ارد اسألك بخبر اجاني و جفلي
صح الناس من گالوا جفاني
اذا صح الخبر الطمن بثنين اديه
يالمهدبل يلمصوبط عناباك
صدك لاتظن غيري عناباك
روايه اتكول عن جدك عناباك
حور العين تاخذلك تحيه
هله يلي ابهمي وياي هميت
عدل وآنه عليك اعتقد هميت
اشوفك يانفل بالضعن هميت
وباجر لومشيت اشلون بيه
***
حسافه الدهر بالطيبين بالدار
كضه وبدل هتيم الصفر بالدار
راح الحال كلت الخلف بالدار
اهل هالدار شوشحوا عليه
***
مر دالع عليه اليوم شفتاه
يبو معيشي من الياقوت شفتاه
رشف خده ومسك للجعد شفتاه
الك لو دنتك روحــــــــك شهيه
دهري اليوم حشدهن سرايه
سرن بالروح واتنطر سرايه
هو الشيب من يعلك سرايه
رفع اعلان حتما للمنيه
***********
حاير واطلب الدربي دلاله
وكتي بنار خلاني دلاله
يربي اشلون مرمرني دلاله
تهت وانه الدليل اشلون بيه
************
اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
************
شد وياي دهري وجمع حلفه
حتى الراد يرحم كام حلفه
جنت صاج وصرت ياحيف حلفه
كبرت ومابعد تنفع قضيه
إلسانى قبال حلو الطول لك لك
واحذرك لا تقلى النوب لك لك
إلغيرك مايصير القلب لك لك
لأن انته شراكه وياي بيه
شيصير اعليك يسمر من تمرمر
وعاد ارحم دليلى وياك من تمرمر
كنت احسبك قبل مرمر منته مرمر
اصبحت اقوى وصلب قلبك عليه
لحو حلي وانه ارفض لحتهم
لئن بيد الجهل خلّو لحتهم
اگربو لو ارد اصوبهم لحتهم
لچن گلبي وگف حاجوز ليه
ابلوح المجد محفوره سمانه
وأنقى من النقي كلش سمانه
الخبيثه ليش لوتدري سمانه *
جاكلها تسجل ناصرية
**********
اشما فرت رحى دنياك والدار
الذهب ذاك ابصفاته ذهب والدار
خباثتنه اعلى حب الكاع والدار
صفه هاي التميز الناصرية
الچنت ليهم بيوم الضيج وناس
صفو بين اليسد الاذن والناس
زرعت الوفه لكل الناس والناس
زرعتلي المصايب والاذيه

[انثى مخمليةة]

گلمـآت حلووهہ

شـگرآ

[فقار الكرخي]

عاشت ايدك