هنا

[فقار الكرخي]

مساجله دارميات
بين عشيقين اشاء القدر ان يفصلهم
وبعد فراق ادام عامين
التقو عن طريق الصدفه



فكلها
.
مات الكلب بجفاج كد ما حمل شوك
صدكيني حني عليــج ما حنتة النوك
.
كلتله
.
خاب شبديه عليـــك مجبوره يهواي
وتعلعلت بجفاك كــــــــوه ابلع الماي
.
كلها
.
كلشـي البديج شلون مجبوره رحتي
فرحانه مــن زفــــــــوج يمه وكعتي
.
كلتله
.
فرحـانه لا والله كـــل عقــلك انته
لمـن لفه المصبــاح بسمــك ندهته
.
كلها
.
ماطبك جفن العين مــن زفتج ذيج
مامش بخت بالروح جا شورت بيج
.
كلتله
.
بسك عتابك هذ شك كلبي نصين
من عرست لليـوم ما نامت العين
.
كلها
.
من رحتي والهل يوم رافجت الدموع
والكلب من فركــــاج بنفاسه موجوع
.
كلتله
.
لو بيدي اگول اهواي بس يكتل الخوف
صوت القصف حسيت من دگوا ادفوف
.
كلها
.
والزهره من زفـــــوج مابيه ضل حيل
ماكمت اميز اضحاي من شوفت اليل
.
كلتله
.
وشبيدي بعد الـروح قسمتنه هايه
الكلشــي مــن يطــول لابــد نهايه
.
كلها
.
معذوره علـي صــــار ومبارك عليج
محروسه بالعبــاس يفلانه يحميج
.
كلتله
.
ممنون يبن النــاس الله اليجازيك
ببنيه بت اچـواد تســتاهل ادريك

[انثى مخمليةة]

حلوهہ

شـگرآ

[الشاعر هاني حماده]

ايام عمري انكظت بين السأل وسله
وراحت ليالي الفرح من بعدهم وسله
اتمنيت طارش يجي من يمهم واسأله
راح العذولي عذل وبمحنتي بشره
اغلك اعيوني البجي ياصاحبي بيش اره
مريود بحرن دمع كون ايحصل بشره
لشريه باغلى الثمن وبراحتي وسله

[حہيہدر الہبغہداديہ]

شلال ابداعك مازال منهمر...
دمت ودام نبض قلمك الرائع...
وننتظر جديدك بشووق...
مجهود رائع تشكر عليه...