عادات عراقية قديمه من زمن جدي
اذا طفل اخذ مكناسه وكنس الباب معناها اليوم يجونه خطار (زين لعد خل احرم طبت المكناسه للبيت حته ميجونه خطار بعد )
اذا انكسر ماعون او استكان انكول طار الشر ( اليوم راح اكسر كل المواعين حته ميبقه شر)
اذا انطش الشكر معناها نسمع خبر حلو ( يله بسرعه طشوا الشكر حته تسمعون اخبار حلوه )
اذا انطش الملح معناها تصير مشكله (ديروا بالكم فدوه معايزين عل المشاكل)
اذا بستكان الجاي خاشوكتين معناها تزوج نسوان اثنين ( وطبعا اول وحده تخزرك اذا جانت مرتك كاعده وشافت الخاشوكتين وراسا دكول هاي منو الي تريد تزوجهه )
اذا تاكل الخبزه براس التنور معناها مرتك تموت (المفروض الزلم توكف سره براس التنور )
اذا حكتك رجلك اليمنه معناها واحد ايذكرك بخير
اذا حكتك رجلك اليسره معناها واحد يحجي عليك
اذا حكتك ايدك اليمنه معناها راح تنطي فلوس
واذا حكتك ايدك اليسره معناها راح تاخذ فلوس (واني بصراحه والحجي بيناتنه اليوم ضليت احك بايدي للصبح لان سمعت الدوله راح توزع فلوس للمواطنين بالحصه )
ونختمها
اذا انت دتحجي بموضوع وواحد عطس معناها انه يشهد لك بانك تقول الصدق
رد مع اقتباس
المشاركة الأصلية كتبت بواسطة انثى مخمليةة
