شيب ، وجذبتها مرايتي
شيب ، وجذبتها مرايتي بملكاي
كد ماتبجي اجيك اركاض .. بس شلكه !
الي ومو الي ادموعك هاي
ومالومك اذا تركد على جروفي
نطرتك جي اشوفن بيك تعب الماي
وبيش اتحمل اوداعك
جا ضحكة شفافك ذيج ، صحوة موت !
وما اسمعك بعد هيهات كلما ردت اضمك صوت
شكد بيه مواعيد اعله باجر وانتظرهه تبات
بكد مابالاغاني نعيشهن مرات
ردني ارجع كبل متصير اخو لروحي
واعوفن كلشي .. بس الفركه مااعوفنهه بجروحي
العمر من ينوخذ صدفه اعله غربه يعيش
يشوف اجم حلم بيه طير ..
لو بات بمخده الريش
واركض بالحلم ضليت ، من الكه بوكفتي جدامي يتاخر
من الكه الذنوب هواي ..
ومامش وجه يتعذر
من نعشك صدك ، والصدك يتعثر
هواي احباب مدري شلون تتغير
مو من عادة النسيان ، اتيه ومايدليني
ولا ياخذ حذر ليلي .. وصبح مرود يوعيني
ال امس لو رجعن ايامي الجرح مااظن يخليني
شمالك ما طحت مني بطريق بتوت
ال يكف درب الوداع يفوت
ونه وحدي وعبالي ، ومو مثل هالناس .. اصير رويحتك كوه
مثل وحدة قصيدة انعاش ، بس موضوعهه الخوه
تصح ناس شكثر ماضلت تجافي ،
تضل اعزاز
وتصح عين بكثر ماتبجي تعتز بصورهم ، جن حرص معتاز
متت .. هسه انت ياهو الجاي !
شامت لو جتف جناز
وفاء الخفاجي
رد مع اقتباس
