منشور منقـول ، اليوم حبينا نغـير الجـو …
حول العوائل العراقية و المشاكل التي لا يخلو منها كل بيت عراقي و هذا ما يميز العائلة العراقية ..
1. الاب دائما يسب بنفسه "انعل ابوكم لابو الخلفكم"
2. العائلة كلما يطلعون لازم يختمـوها بعركة .
3. لازم أكـو كـوب بچيس التمن .
4. ضوا المطبخ دائما مشتعل و بس يطفى أعرف ان اليوم خلص .
5. يعوفون أضوية البيت مشتغلة من يطلعون حتى (يخدعون الحرامي) .
6. دائما غطاء الريموت لو الريموت نفسه ضايع .
7. ملابس العائلة بس تصير قديمة تتحول الى وصل مسح .
8. علبة الماكنتوش من تفتحـها بيها بكرات و أبر خياطة .
9. المزهرية بغرفـة الخطار لازم بيها مفتاح و ماشة و فلوس نقدية قديمة و ورقة الكهرباء و شريط براسيتول فارغ و باتريات معضعضة و اوراق بيها ارقام تليفونات ما معروفة .
10. بالثلاجـة لازم أكـو نص نومية حامض .
11. مقراضة الاظافر دائما ضايعـة و من نريدها تختفي .
12. كلاص الجبن من يخلص يصير كلاص للمي لو للچاي .
13. يوم الجمعة الغداء لو دولمـة لو سمچ .
14. الشامپو من يخلص يحطون بي مي .
15. لازم أكـو صابونتين لازكات عالمغسلة .
16. القاب داخلية بين أفراد العائلة مثل (أبو راس) و (أبو صماخ) و (أبو حلك) ههههههه .
17. لازم أكـو واحد خبل و واحد شاطر بالعائلة .
18. ماذا يوجد في سطح البيت العراقي :
- لعابة مقطوع راسها و كانت للبنت الكبيرة و هي الان أم لاربعة بنات .
- طوبات و كلهن (بنچـر) .
- بايسكل بي بس تاير واحد و صاحب البايسكل صار حاليا اب لو جد .
- طابوك و كاشي من بقايا أعمال ترميم البيت قبل 20 سنة .
- قواطي بوية يابسة .
- مجـلات و جرايد قديمـة .
- منقلة شوي مكسرة و بوسطها جيس فحم .
- أحذية و نعل انواع و اشكال و اتحداكـم اذا تلكـون زوج متشابه .
- صناديق ببسي و حليب معقم مال أيام زمان .
- حبل نشر ملابس منتهي من الشمس .
- و فوك كل هاي الهوسة اول ما نصعد للسطح لازم نعـثر بشي هههههههه ...
و الباقي عليكـم ذكرونا !!!! مع الشكر لكاتبها .
رد مع اقتباس
انت بطل
المشاركة الأصلية كتبت بواسطة انثى مخمليةة
