هنا

[فقار الكرخي]

خوف
ماي
اوليل
والوحشه التِلف السيل
والصنطه التِلم خوفي اوتوشِلني اببگايه الحيل
اوعلى اسراب الهواجس چانت اعيوني،
تشوف اچفوف ملچ الموت غيمه اتطوف بجفوني
اويمر بدماي
وتحنّط، دبيب الروح بهروشي
تِلمَّست النجوم ابطارف اجفوني تحنّط كل خيال ابرعشة اظنوني
تلمَّسني الهوىَ النسمه، تخشَّب ليله بعيوني، نعش اسود رهن گلبي ابصواميعه
تِلمسَّت الظلام ابشَبحة اعيوني، عثر چفي ابأصابيعه
اوتفلّشت
اويَچن چفي شرد مني
اوتلجلجت
اويَچن گلبي تكعكع بي،
والريه انشنط بيها النِفس، والدم، رجع عايف سواجيه
شدهني الخوف
شدهني اوتاهت اعيوني
شدهني اودوهن اللساني اوتخيلت ابسكوته الماي، حاچاني
سمعته
سمعته، والصدئ اتيتم على اللساني
وافرزِنها الحچاياته ( يشآنه الخوف يفهم كل حچايا الموت )
وافرزِنها واظل اسمع، وافرزِنها، واظل اسمع، لَچن ما .......... لَچن مامش درب تعبر عليه احروف وجداني!
يلفني الخوف
تلفني صنطتي البيَّ تلفني رجفة الريه وأحس، چَنّي ابضمير الغيب، لهموم النهرديّه
يطالبني
شِتل بيَ الهوىَ، والدم، والنور اومعانيه
شَرد عليه ؟
شگلله ؟
شَريد ابدي ؟
شريد اهدي ؟
خايف خا..ا..ايف خا..ا...ا....ا.......ا.........يف ( واليخاف ابخيل )
ناكر، ناكر،
ناكر، والنكور ايصير..... گلبه امسورب النيه.








شاكر السماوي

[انثى مخمليةة]

جميل جدا

[حہيہدر الہبغہداديہ]

.

[ازدهار]

عاشت الايادي
كل الود
.
.