هنا

[فقار الكرخي]

بـ ليلة طيش
انه و هوَّ تمددنة بـ جريدة خوف سكرانة
تِمددنة بـ خبر متوهدن بـ أوفة
خبر متروس جرحة ومنتشي بـ خوفة
يحاچينة الوطن منّة
يگلّنة الوطن چذاب ، مامنة
ولا ترجون من عندة شعيرة عيشة
تحصد بس حچي ومنّة
ودناني علة اصديرة وتشگگ هل خبر چنّة !
تمردسنة ، وتجايسنة ، وتبايسنة
ونسيت الوطن وهمومة
نسيت إشكال شرعي بـ رجفة إهدومة
نسيت أكمش سمة إهدومة
لا تطّشر إغيومة
ردت أتوچّة بالمچفي وأصليلة
ساعتها حلاة إعضاي توميلة
ردت أتقبّل الحانة واغنيلة
ردت...
بس الخدر شولشني بـ آآآهاتة
حلاتة اتضوگ چلماتة
حلاتة أتلمّسة امسامر
حلاة الضوگ من يعرگ يصير إمباوسة امشامر
جمال إفيشنة إمعاثر
والأكثر من جرايدنة الي بللها عشگ أخضر ..
خبر موطنّة ما لاحة عِشب أخضر
خبر موطنة المكدّر ..







مريم جواد

[أستثنـآئيـّةة❤️]

كلمات روعه

[حہيہدر الہبغہداديہ]