موال: على قد المحبة
المناسبة : مولد الامام المهدي عج
الزمان : ليلة 14 شعبان 1440 ھ
المكان : حسينية المرحوم داوود العاشور
***********************
على قد المحبة لبيه انتظرك
وتضل دعواي من عمري على عمرك
يا ميزان السوالف دوم اسولف بيك
متى يعم السكوت بكلمة من ثغرك
وين انت مولاي
وين انت وسألت عليك حتى الموج
جبت عمري سفينة وضايعة ببحرك
تعال الليل طول والمنازع طال
متى بوجه الليالي ينتفض فجرك
يا اطهر بشر والارض كلها ذنوب
اشكثر دمعك علينا ويا كثر صبرك
انا بقلبي سعير خيام انت شلون
شم خيمة لبقت تتوجر بصدرك
اكيد الوجه لله للخلق مقفاه
هاي سنين عيني تباوع للظهره
يا بو صالح دخيلك ناب ياكل ناب
بقى بس الضعيف لي لهج بذكرك
هاي ١٥ شعبان يالمولود
شق صدر الغيوم واشرق ببدرك
نبديها بصلاة على النبي المختار
تسهل جيتك والخاتمة بنصرك
***************
رد مع اقتباس