هنا

[الشاعر هاني حماده]

بعيني مو دمعة فرح يا صاحبي
دمعه بيهه أسرار صعبه تنحزر
من تدور عالسبب انه انسبي
لا تباوعلي بشماته وتعتذر
حظي يمك جابني لو قسمه هاي
عاب حظي وعاب هل قسمه بعد
عمري خلصته محطات انتظار
وچان كل أحسابي من جده وجد
ما نصير البعض احنه مستحيل
الصوره بيهه ثنين حتمن تنشطر
وعلى هذا المثل انطيك الدليل
الماي يطفي النار مهما تستعر
بينك وبيني طريق بلا عيد
واضح المضمون من عنوانه
هذا حدي آوياك أيس ما أريد
جنه بيهه جروح دم عطشانه
گمت أشوفك صحره مابيهه حياة
وصوره ضلمه بلا رسوم ولاذكر
وگمت أشوفك ورقه ساندهه سراب
وشوفه مثل ألجامه رأسا تنكسر
دير وجهك عني يكفيني عذاب
كلشي ضاع ولا تظن يلتم شمل
لا تفكر اغسل ايدك گلبي مات
عني لو سولف قلم يبگي الطفل
لاتجيني جرح گلبي توه طاب
بعد مايحمل كسر فوك الكسر
أنت عايش دنيا بس دنية فناء
وانه عايش أخره وبيهه افتخر
...... بقلمي .......

[انثى مخمليةة]

روعاات

تسسلم يديك

[الشاعر هاني حماده]

انه ممنون منكي ياصاحبة الذوق الرفيع