طحت عثره وگلت بالريش ونت الضوگتني الدم
وين ادري جدم عميـااان
حت ابطيحتي اتبسم
حت اعيونك المني خذن طيفي
اشتهيت الهن نهد كشمير يتنخه برفيف الشم
ومن جابو مواعيدي وحچولي بسالفة سري وحچو عنك
گلت شيصير ببنادم
فگر روحه
وياهو الگبلي من عاتب شفه جروحه
احبك يا شتال المسچ والبلور
ونجيل الصدگ لو ما تجي بوكتك
اشمك ركضة الماش
وغنيلك غنه ابروحي ويتيـن اشفاي ماضگتك
يهيمني
السهر ونحل مثل صحوة بنات الليل بايگني النهار
وطيف ماشفتك
يبرودة احديثه ولهفت الشمام ، مابستك
امس حنيت اصبعي بحنة معرسين
هلبت بالبخت سـچــه وسوالف روحنه ا تخظر
هلبت بالدهر شباچ يضحك للشمس عنبر
اوتلـِم كلشي التبـِده اوياي
اهد حـيلك وگلك هاي ... عملة غيبتك وكثر
كلشي اوياك
ماخليت افكر حت بهدومي التحبهن ما البس بيهن
يجي براسي الزعل وحتار اعوفك لو اعتز بيهن
امس بليل اكابر بيك اضم دمعاتي وچـفيهن
اهيم امن البواچي اعليك ونسه البارحه شبيهن
يذاك انت برفيف الأخ وقرب من رفيف الدم
ويذاك انت الغريب اتصير من تشتاگلي وتندم
اصد عنك لچن مودوم
عگده ابلا بخت منذور
اصد عنك وجيك بخوف حالف وشتـهه العباس يتناسه الچتل ويزور
احبك
من تجيني تبوسني بعيني اعله گـد اخر صدگ بالله
وتـِدليني بمحمد وين
احبك لو دريت الروح شروة امن الرحم للطـين
احبك لو صرت قابيل يتوضه بحضن هابيل ويگله الكره موزين
مصطفى الاشتراني
رد مع اقتباس
المشاركة الأصلية كتبت بواسطة انثى مخمليةة
