يربي شما اذبهه صخام ولطام
امي وتيهت برسوم ويهي
هذا وليدمن كالت عليه
تعال انظر لحالي صرت ماصول
لغنمها اتصوفر الرعيان بيه
إمحلِت واغديت من هجرك ترآبه
المطر مايستلذ لوطاح بيــه
رميم العظم وبياهك حييته
الا تحيي ضمير الگطع بيه
يربي شما اذبهه صخام ولطام
فكر الططوه شاجخ روح بيه
يلاهي ليه عزراييل وده
كبل لا مدها للشمات اديه
علكيفك من تدك بروح يناي
يتامه جروحي خاف اتفز خطيه
انحلت وجدامي كل يومين يمشين
متر والنمل جيله يمر عليه
تصد وعيونك بيا وكت ينسين
عيوني وجنهن امشبهات بيه
انزرف كلبي بغيابك زرف ماصول
الهوى طكه وحجه المضموم بيه
مااذكر لفاني الفرح مره
سوى العيد ويخون العوز بيه
اليعاينلي جذب يقنع بيا شاب
نحيل ورعشة الشياب بيه
لون تدري بجفاك شلون حالي
طفل وجنازة امي ابين اديه
شسوي لكلبي وكت غروب لو حن
الك وشعل دبيب الشوك بيه
حجي الوادم بهذا الوكت ويهان
ويه زين ويه يحمل رديه
جنت شبه الملك عايش ويهلاي
بجفاكم ها ولك صاحوا عليه
تعال وشوف عكبك صار ويهاي
مثل ويه الفكد ابنه التجيه
احس بالروح داخل حسن جر بيت
الهجر وثغيب المودعين بيه
لا صرخه سمعت من متت لا حاه
بالمغيسل ضحكهم حاط بيه
صرت بجفاك جني اتكول خشبه
خويت وكام ينهش دود بيه
صارت ضحكتي وي الناس حيلاه
اخاف ايبان حزن اجفاك بيه
مثل شوغت طفل مفطوم لما
اشوغن من يمر ذكرك عليه
الويع من غير راعيه ويع من
جذب كلمن يكول البيك بيه
وحك العوز بي ضاكت لحد ما
الرضعته من امي رد للريج بيه
مثل حبله اشتهت حاجه لها نفاس
اشتهيت الموت ماصحاش اليه
م
رد مع اقتباس
