ابوذيات اكثر من رائعة
خيمه انه وعلى الصدكان فايت
ولهم بدروب وعره اشكثر فايت
خناجرهم حشاش الكلب فايت
شوارع واليتيه استدل بيه
الشاعر كاظم غميس الحمداني
شأله الضم الدغش كله ورسمه
مسخ وبسيرته ايباهي ورسمه
سمه بسبعه السمه اتلعنه ورسمه
ولحد سابع ارض منه بريه
عدنان_الغزي
ادعي الله بزوال العوز يامار
الفكر جتف اديه وعلي يامار
انجوه كلبي بحركته لمن يمر
الامن ناصر ايفك كيد اديه
زماني بيد خواني ودلهم
جملولي الحقد ونه اجمد ودلهم
خبيث الوكت لو غيم ودلهم
يشك جيبي ويطلع اعيوب بيه
غشيم الحاسبك حساس ياثار
فهل يحرز بعزفك نصر ياثار
ﻻتعلى الجوارح علت ياثار
حمامه انته ومخالبنا جويه
عدنان_الغزي
الشاعر المبدع(عدنان الغزي )
رغم دمعي الهملته عليك مندام
عرفت من أول انه اوياك مندام
يبس عودي الندي ورويت مندام
اعض اصبع واكول الصوج بيه
هفه زرع العمر دهري حشالي
بمناجل والفكر بيده حشالي
اذل ﻻماأذل والله حشالي
جبل ياريح كلي اثرت بيه
وحك الي بلظه ناره وعدكم
يخيب احسابكم تالي وعدكم
اليه السان اليسولف وعدكم
لسن وحجو التريدونه عليه
رخه احزام الصبر مافاد ..وحتال
وعلي زور الاوده شهد ..وحتال
غزاني من الصبح فرگاك ..وحتال
دليلي وحط معسكر شوگ بيه
يخوتي الاولى مكابر ..شتاله
ومن زغره الوكت شمله ..شتاله
ارى كلمن شتل خضر ..شتاله
ونه اشتل والهفه محصول اليه
عليمن ياگلب خانوك ..خلان
وديارك من وفاهم ليش ..خلان
ثلث حالات بيه الصوچ ..خلان
وفه وطيب وعهد موثوق اليه
تعيش اكثر لون بلواك ..متناك
ولاتتنه الذي بالضيج ..متناك
التحب متنه لزومن يحب ..متناك
ولاحوم اليذل جدام حيه
عدنان_الغزي
كرهته الچنت اگول عليه ..مكراه
بسبب مكر الثعالب طلع ..مكراه
النخيته عله النهر يكريه ..مكراه
تعذر چيفن اجيوبي خليه ...
عدنان_الغزي
تعانقنه ودليل الضعن ..يرغاي
عناق الماعليه الكلب..يرغاي
بركبتي سوارها وبالصدر.يرغاي
طبع بيهه اليرغ واثرت بيه
سيــــد يوســــف الكوبـــع
دليلي ماكو من ونته..وحنته
الك يازغرفت جفي ..وحنته
اريدك لو غبت عني..وحنته
شوكت ما اختنك تنزل عليه
هاشــــم ال فليــــح
الناس ابهام وانه افرك..بهامين
منيدي وكمت اعض نادم.بهامين
الضعون الجنت حاديهه..بهامين
حده وزلزل سبع طبكات بيه
الدكتور رحيم الركابي
انشدني بشوفتك اختل..علاماي
وهيمن هيمت الضامي ..علاماي
بشغف مارف الك كلبي..علاماي
بكثر مارف عليك وخنت بيه
عدنان الغزي
صافي سماي واهلي {عيروني}
وحسافه بوزن ناكــص {عيروني}
ان مشت روحي وراهم{عيروني}
ان مشت جـدام حطــو صــوج بيه
حافظ محسن العطار
شتفيد ادموع عينك. منتهلهه
اتجلد عل. مكاره. منتهلهه
الحياة. شماتطول. منتهه الهه
وكل ارواحنه رغم. المنيه.
المرحوم. علي موسى الحشيش
نحلت عيب اگل جدمي منحالي
نحت من سمع نوحي. منحالي
يشامت جوز وترك.منحالي
اخس من التريده صار بيه.
ابراهيم_طلب
حضي ماكعد وياك ..وحلاف
وحل وكت الحزن وال اه ..وحلاف
مد ايدك عله العباس ...وحلاف
يكون اترد سنين اصباي اليه
سوق الشيوخ
علي الشبلي
جفي وموش جف الغير باراك
ورغم هجرك الذمه الكلب باراك
ابمجاني من رحت لليوم بارك
وعلي نكلت جدم ماضال بيه
اغشم روحي اكولن دخن ...ماشاك
وگبل بيه تريد اتخون ...ماشاك
هذاك الصارله يومين ...ماشاك
خذاك وشوفتك حرمت عليه
اطلــك جــن احسن صار بــيــتام
وراك وليل حزن اجفـاك بــيــتام
كــحرمــه وبالحصار ابتــلت بيــتام
11 وجـفاك تعــلاه علـيه
جنــت محــسب الفــركاك ونــحاس
وجدمك نحــسنت الشيطان ونــحاس
كــل هــذا وتمرني انخبص ونــحاس
كــمرت واحــد بــجـتال اخيــه
محمد_الخيگاني
رد مع اقتباس
