وداع زينب لعباس ع
رايح للشريعه وجودك وياك
مودع بالسلامة ياشبل حيدر
عطشانة اليتامه وتدمع العين
يحماي الظعن ياهيبة الخدر
رد بساع خويه لاتطيل غياب
لغيابك دليلي بنار يتوجر
شيصبرني بعد ياخوبه عباس
مصايب كربله خلتني اتمرمر
عني من رحت ياصاحب النوماس
هد حيلي الصبر والنايبه والحر
بخيامي أجاني خبر صاح بصوت
فوك المشرعة طاح الگمر الأزهر
طلعت من خيمتي ملهوفة وتعنيت
للحومه أشوفك امشي وتعثر
لگيت الجود يمك والعلم والسيف
وشفتك عالشريعه بدمك معفر
وشفت راسك يخويه بالعمد مصيوب
وچفينك شفتهه مگطعه بالبر
ومن شفت السهم بعيونك تمنيت
خذت روحي ألمنيه ولاعشت أكثر
****
بقلمي
رد مع اقتباس
