هنا

[فقار الكرخي]

انته گاعد بيه دبقى احسبني غار
راح اجيبلك حمامه وعنكبوت
هذا حدنه اتقفلت بوب الطريق
بغير درب الموت ما نگدر نفوت
انه طير اتگلي طب شي مستحيل
وانت سمچه بماي بس تطلع تموت
انه من دون الهوه مابيه اعيش
وتختنگ انت اذا مرك هوه
عالتناقض هيج مبنيه الحياة
ربً دائاً علته بنص الدوه
الضلمه للعاشگ تفك باب الحياة
والفراشه تموت يم باب الضوه
بماي مايطفه التشب بگلبه نار
باليحس بالماي اذا لاحه انچوه
بگاع مايترك اثر كلمن خفيف
يمشي خطوه وتنمسح من الهوه
وانه فوگ الماي تارك ممشى جيل
بورقة التاريخ مانگعد سوه
ليش نزرع موعد انحصده انتظار
وحبنه اصلاً مات والماضي انطوه
مدري چم نخله زرعنا بها تجون
وما لزمنه من النخل حتى النوه
عود ميت حبنه من اول شتال
انچذب اعله ارواحنه انگول ارتوه






جمال الازبچي

[حہيہدر الہبغہداديہ]

[سمراء من قوم عيسى]

عاشت ايدك