انه اول بشر متعوب من روحه
شتنتظر
وانه والليل انتگابل
واحد مفارگله گمره
وواحد مفارگ بشر
ويگظي باكيت الجگاير
والدكاكين القديمة حتى ما الهن اثر
شماله لوني يصير باهت من تغيب
وليش كلما نلتقي ابالي السفر
والشبابيچ الخذت من لون وجهي
بكثر ما اوگف وانطرك
وذيچ ضلمة غرفة امي البيهه
سولفنه اعلى مهرك
كلهاا ناطرتك ترد وتجيب نسمة
انه من يوم المشيت بلايه بسمة
تذكر شگد دوريتك
بالزعل بالضحكة بمسامر حچينه
ومالگيتك
ليش مو چنت انه بيتك
ليش تاخذني اعلى بيبان الظلام
الماتردك
ليش وانه هواي گتلك هاي روحي وعيش وحدك
هسه گلي منين اجيب لروحي واهس
لا صورك يمي اشمهه ولا خيالك يمي حارس
وضلت بس سواليفك وكلشي انفل
هاي سنين عشناهن فراگ فراگ
ماسوينه صورة حل
وتبديت وردت بس انت ال تلمني
الناس هواي بس سولفلي
ياهو المنها يفهمني
واذا مرتاح لمن فارگت بالخير
لا تهمتلي افرفح هو هذا الطير
من ينصاب
يبقى يدلي بجروحه
انه اول بشر متعوب من روحه
وچنت ادري اليظل سهران كل سوالفه الدمعه
اليبچي بروحه نص الليل
يعرف محد يسمعه
تاكل روحهه بلا صوت
كلش غالية الشمعه
ورحت مني وعفتني مچودر ابيتي
الرسايل والصور والليل باگن حتى عافيتي
تعرف بالريه شنهي اليوم يريت
عطرك_ والدموع بساع يريت
عگبك ناسي كلهه وياي يارت
ومحمد گطعوا المعروف بيه
م
رد مع اقتباس
