من چان عمري 20 سنة لملمت روحي وجمعتلي كم فلس وقررت أتزوجبس ياهي سعيدة الحظ اللي راح أقتنع بيهه وتقتنع بيه ؟!! المهم بديت أدوّر على بنت الحلال وقررت ان أختارهه بنفسي وحسب المواصفات اللي راسمهه ابالي !!
صدفة نزلوا عائلة بمنطقتنه يبعدون عن بيت أهلي تقريبا 30 متر وعدهم كومة بناتآني ظليت أراقبهم عن كثب ،، أكو بنية عدهم شعرهه ولادي ورشيقة بس وجهه ما اشوفه بوضوح ،، لازمه البيت متطلع أبد وتشتغل بالبيت من الصبح لليل ،، يعني تگعد من الساعة 7 الصبح أول ماتبدي بالطارمة دگ تنظيف انوبه تبدي تشر ملابس يعني بس تشتغل
بصراحة عجبتني حيل .. يعني شكو صفة أحبهه هي تمتلكهه ..
رشاقة ونظافة وربة بيت ممتازة ولازمة البيت وما اشوفهه تطلع هواية ..
آني گلت وأخيراً لگيت بنت الحلال وظليت أفكر بيهه
أكو مره جارتنا اسمهه أم قيصر وهاي شلون (ام زكي) بمسلسل باب الحارة تسعى بالخير مقابل كارت ابو الخمسة
گلتلهه أم زكي رحمة لأمچ متجسين نبض هاي العائلة ؟ واريدچ تركزيلي على البنية الرشيقة ام شعر الولادي شوفيهه مرتبطة لو لا ؟
هي راحت وآني حطيتلي ماعون كرزات وبقيت انتظر الخبر ،،
مرت ساعة زمان وچان تجي أم قيصر خربانة ضحك
ها ام قيصر بشريني اشو تضحكين
گالت هاي أم شعر الولادي طلعت الأمايه
يابه طلعت امهم
بلله عليكم شايفين هيچ حظ مصخم ملطم
رد مع اقتباس
المشاركة الأصلية كتبت بواسطة KASSAR
