السلام عليكم. احبتي. في هذا المنشور سوف اشرح لكم طريقة التقديم للدراسات العليا.
اول خطوة :- تسحب وثيقة جديد ٢٠١٩
وتعنونها الى الدراسات العليا / للكلية الي انت تريد تقدم عليه
ثاني خطوة :; تحضر شهادات كفاءة الحاسوب والانكليزي و اللغه العربيه
ثالث خطوة :- راح يبدي التقديم على الدراسات العليا يوم ٢٠/٤/٢٠١٩
تجي انت حتى تقدم واول شي انت تسوي تنشأ حساب جيميل
بعدها تجي تفتح رابط التقديم
وتكتب اسمك الرباعي وتكتب حساب الGmail وتدخل كلمه السر
بهاي الحالة انت مخلي حساب الجيميل مفتوح (يعني لا تسوي تسجيل خروج)
راح تجيك رسالة على حساب ال Gmail
مكتوب بيها (تم تفعيل الاستمارة اضغط هنا) انت راح تضغط وراح تنفتحلك واجهة جديدة
(انت هنا تحضر المستمسكات كلهن + الوثيقة + صورة خلفية بيضاء حتى ترفقها بالاستمارة الالكترونية)
وبعد ترفع الصورة بمكانها
وتبدء بادخال المعلومات
الاسم الرباعي واللقب
واسم الام والكلية والجامعة والقسم ونوع الدراسي (صباحي او مسائي) ونوع التعليم
اهلي ام حكومي وبلد الدراسة
ومن ثم تختار قناة التقديم (عام او خاص)
او ع قنوات الشهداء.حسب الفئات
ومن ثم تختار الجامعة الي تريد تقدم عليها
وتختار الكلية وتختار القسم وتختار التخصص وراح تظهرلك عدد المقاعد العام وعدد مقاعد الخاص
وبعد ما تختار تبدء بأدخال الخلفية العلمية
وهي ( الشهادة الحاصل عليها - والمعدل - ومعدل الطالب الاول)
وتكمل بقية المعلومات
محل السكن - الزقاق والدار
والمحافظة والقضاء والناحية
ورقم الهاتف - والايميل
وترجع تتأكد من المعلومات الي دخلتهن حتى ما يكون عندك خطأ (يحقلك فتح الاستمارة مرة واحدة للتعديل)
وبعدها راح تقوم بارسال المعلومات
وراح تطلعلك شريط اخضر
مكتوب عليه (حفظ وتحميل الاستمارة) وتضغط عليه وراح تنزل الاستمارة
انت لحد هسه مقدم ع النت ومكمل
بعد نجي نشرح شلون تروح للجامعة وتكمل اجراءات التقديم
اول خطوة بعد التقديم
تسحب ٦ صور
تستنسخ المستمسكات الاربعة ٣ نسخ
تستنسخ الوثيقة نسختين
تستنسخ التوصية كل وحدة نسختين
تستنسخ شهادات الكفاءة كل وحدة نسختين
تسحب استمارة التقديم وجه وظهر بورقة واحدة
يعني تسحب الاستمارة وترجع تقلب الورقة وتسحبها النوب هم ٣ نسخ
وتسحب استمارات (التعهد واستمارة طلب المعلومات واذا كنت من ذوي الشهداء تسحب استمارات ذوي الشهداء)
هسه صار عندك المستمسكات الاربعة ٣ نسخ
الوثيقة الاصلية +نسختين
شهادات الكفاءة الاصلية +نسختين
التوصيات الاصلية +نسختين
اضافة للصور
والاستمارات الي تسحبهن
استمارة ٥٠٠ و٥٠١ و٥٠٤ و٥٠٦
واذا كنت من ذوي الشهداء تسحب استمارات ذوي الشهداء
وهم كل استمارة ٣ نسخ
تترس المعلومات كاملة
وتشيل كل هاي الي حجينه عليهن وتروح للجامعة وتروح اول شي
للتصاريح الامنية (الي ب الجامعة) تاخذ وصل وتستنسخو ٣ نسخ
وتروح للدراسات العليا بعمادة الكلية
(او العمادات الاخرى) وينطونك فايل
تترس المعلومات وتسلمهم الفايل وبعد اسبوع من تسليمك للفايل والمستمسكات
ترجع تفتح رابط الاستمارة وتدخل الايميل والرمز وراح تطلعلك الاستمارة مالتك بيها ختم اخضر (دققت) تسحبها نسختين
ومن تروح للامتحان التنافسي تاخذها وياك
هاي دليل على انه انت مكمل كلشي
وباقي بس النجاح..
ومن الله التوفيق
https://www.facebook.com/17497314586...1603373503423/
رد مع اقتباس
المشاركة الأصلية كتبت بواسطة انثى مخمليةة
