عطش ،
والمشتهى بنادم ،
تصليله ويصليلك
عطش ،
والناس الـ تحبها مگمره بـ ليل مو ليلك
يـ ما تدري ،
العطش چذاب ،
ناسك ، مو سواجي الـ تنهب بـ حيلك
و يـ أنت ،
التضحك لـ كلشي ،
شتريد تگول ،؟
حتى أعله الضحك محسود ،
ما يدرون تالي الليل تابوتك مواويلك
ولا يدرون ،
حزنك ليش ،؟
وشمعنى الچفوف الـ مشتريها بـ روح ،
تستثگل مراسيلك ،؟
يـ شنهي ،
ومدري شنهي تريد ،
ضيع شما تصح سچه ،
التعب مثل الوطن نوبات ،
اذا شافك غريب أردود يوميلك
لـ جواد زغير
رد مع اقتباس
