هنا

[سلام الكريزي]

(الفرح المنشود)
بعيد .......
ولا نفس كَد الدرب بينه
باول نيه........
ياخذنه التعب ونطيح
ياحرثة هوى ....... ؟
اليمك تودينه.......؟
ياجدحة ضوه......؟
الشبت حلم وشراع....؟
ولصوبك ترسينه...؟
عكَدنالك........
طرف راية نذر للشيب
وانته ولا علينه تفوت
يمعلوك..........
بتوالي الديره يالمبخوت
رسمنالك.......
دمعنه بتوت....
نحتنالك.......
درب وبيوت...
يالمفرع سنابل للغرب
جم دوب.....؟
يطك بينه العتب ونفيض
وياخذنه الحزن وياك
دجمل كل دمعنه وفيض
ولاخر سلف ضحكة نثايه تفيض....
انتلكَاك شوكت حنه....؟
اعله كل ذيج الروايه البيض....؟
حلاتك.....
من تطك موكد...
يدخان اليطرز كذلة الشكره
يلون الليل.......
يمكحل رمش كمره
زف طولك عشك بردي
يحضن الماي ......
فل زلوفك الخضره
غني......غني....
وركَص الربعه ضحك وتراب
وفك حزن الصريفه بصهلة المهره
دغازل يافرح كل لصفه بالجلاب
ومد روحك خضار بدكة الابره
دروح هناك ...رد لهناه
نث طولك......
فوانيس اعله كل عتبه
وبلل كل درب هندس......
حمامات....
وضوه......
وشباج......
وخزامه اعله كل كذلة عراقيه
نضل نتناك .....
حن يا فيض...
وِج فوك العشب لونك
شذر ابيض.....
شذر اخضر.....
شذر لف روحه خلخال اعله برحيه
..................
الشاعر سلام الكريزي

[انثى مخمليةة]

أّبِدِعٌتّ