درر العراق

الشاعر هاني حماده · 13/April/2019

بصراح اني متعود اسلم على الزين والشين لا بعد حتى على اي كائن حي مما خلق الله
وفديوم طلعت يوم جمعه الصبح اجيب كيمر وصمون مريت من يم قطيع غنم وجانوا
النعاج كلهم كاعدين على الرصيف بس الطلي اقصد الكبش جان واكف اني وصلت يمه
كلت السلام عليكم ورحت امشي حاجيت روحي كلت عفت خلق الله كلهه وسلمت على الغنم
وانه وامشي والله ثم والله طرت بالهوى واوكع على ظهري كمت اعاين الشارع عدل هوى
ماكو سياره بشر ماكو درت راسي والا الطلي الابن الطلي هوه الناطحني وجماله يريد
النوب ينطحني وجان اشيلهه بركضه للفرن مال الصمون بالمناسبه والله الحادثه حقيقيه

أستثنـآئيـّةة❤️ · 13/April/2019

هہهہهہهہهہ

آلدلآل آلهہ حدود
لآن گل شـي يزيد عن حدهہ
ينگلب ضـدهہ

شـگرآ آخي

ثامر الحلي · 13/April/2019

المشاركة الأصلية كتبت بواسطة حيدر (البغدادي)

لاشك أن الفرد الذي يتربى في خضم صعوبات الحياة ومشاكلها يكون شديداً كالشجرة البرية القوية، أما المدلل فهو كشجرة البستان المهزوزة الضعيفة ولهذا يشير أمير المؤمنين (عليه السلام) بقوله " : ألا أن الشجرة البرية أصلب عوداً والرواتع الخضرة أرق جلوداً والنباتات العذية أقوى وقوداً وأبطأ خموداً " .
فالتدليل هو أسلوب تربوي خاطئ، يعني اشباع كل رغبات الطفل اشباعاً آنياً دون أي تأخير، وبشكل مبالغ فيه ، وعدم معاقبته وردعه عن السلوكيات الغير مرغوب بها، بل وفي بعض الأحيان تشجيع الطفل لمزيد من تلك الأعمال.
ويبرر الآباء تدليلهم لأبنائهم تدليلاً زائداً بعدة تبريرات من قبيل، أنه آخر العنقود وأنه قد رزقنا به في الكبر، وأنه مريض، أو أنه وحيد لا أخوة لديه، وما شابه من تلك الأمور العاطفية
شكرا لتلك التجربه

صحيح استاذنا فالطفل تنميه التجارب ومن الوسائل الصحيحة للتربية أن يتم اختبار مواهب الطفل ومشاركته الحديث والانصات لرأيه بتحفظ والاجابة عن كل اسئلته لكونه في طور اكتشاف الاشياء من حوله ولايخلو الأمر من توبيخ يكون لصالحه .
شكرا للاضافة القيمة والتقييم مع التقدير

ثامر الحلي · 13/April/2019

المشاركة الأصلية كتبت بواسطة الشاعر هاني حماده

بصراح اني متعود اسلم على الزين والشين لا بعد حتى على اي كائن حي مما خلق الله
وفديوم طلعت يوم جمعه الصبح اجيب كيمر وصمون مريت من يم قطيع غنم وجانوا
النعاج كلهم كاعدين على الرصيف بس الطلي اقصد الكبش جان واكف اني وصلت يمه
كلت السلام عليكم ورحت امشي حاجيت روحي كلت عفت خلق الله كلهه وسلمت على الغنم
وانه وامشي والله ثم والله طرت بالهوى واوكع على ظهري كمت اعاين الشارع عدل هوى
ماكو سياره بشر ماكو درت راسي والا الطلي الابن الطلي هوه الناطحني وجماله يريد
النوب ينطحني وجان اشيلهه بركضه للفرن مال الصمون بالمناسبه والله الحادثه حقيقيه

ههههه لازم چنت لابس لون أحمر
صدگ لو گالو طلي حتى السلام ماغزر بي