فد يوم سويتلي زيارة لبيت أبو حيدوري أحد معارفي ، ، الرجال رحب بيّه وقام بواجب الضيافة وبعدهه گعدنه نسولف بمواضيع هوايه ومن ضمنهه على تربية الأطفال !!
آني گتله الدلال موزين للأطفال فهو أعترض على كلامي وگال انته غلطان لأن الطفل مالازم تقيده ومن هذا الكلام وبهاي الأثناء چان يدخل حيدوري للاستقبال وطلب من أبوه ألف دينار يريد يشتري موطه فهو گاله ابني الجو بعده بارد أخاف تلتهب بلاعيمك وتتمرض !! وگام يلح على أبوه
وماأحس لن حيدوري يلطش ابوه براشدي آني من يمي گامت أذاني تون وگمت أحك بخدي حسبالك لاطشني الي براشدي
بصراحة آني سويت روحي مامنتبه رغم ان صوت الراشدي يوصل لسابع جار !!
الرجال ظل مصدوم گدامي آني على أساس صرت لوتي گمت أتثاوب وأگلب بالموبايل وسألته ع الساعة بس أريد الموقف يمر على خير وماينحرج الرجال أكثر ،،
وأخيرا طلع حيدوري وآني هم اترخصت من الرجال وماأدري أضحك ماادري أبچي .
رد مع اقتباس
المشاركة الأصلية كتبت بواسطة яøše"
