هنا

[اسرار الكون]

الكتب صعبة جدا بنسبة للابتدائية
تفوق عمرهم وهذا سبب كثير طلاب تطلع كمال نهاية سنة ..
أضافه الي الاهل مستويات تعليمهم الي مو الكل واصل مرحلة دراسية تخلي يكدر يدرس اولاده ولا الكل ساعده المادة على مدارس الاهلية والمدرسين الخصوصين
انا خريجة جامعية اغلب مواد رياضيات الاول متوسط من ادرسها اشوف شرحها من اليوتيوب لان بعض المواضيع ماماره علي
يعني الي ياخذ جانب تطور من بقية دول غير ياخذه بكل مافيه !
يسلمو للموضوع عزيزتي

ي فعلاً صار التغيير ع المنهج وماكو حساب لامور عدة

نورتيني

[اسرار الكون]

برآيي آلمـنآهہج حآليآ جدآ صـعبهہ وفوق آلمـسـتوئ آلعقلي للآطـفآل ،،،
آلمـنآهہج آلقديمـهہ آسـهہل بهہوآيهہ وبآلآخصـ آلريآضـيآت وآلعلومـ يعني آبن آختي بآلخآمـسـ آشـوف بآلعلومـ مـآلتهہ آشـيآآء جنت آدرسـهہآ بآلآعدآديهہ
يعني شـدعوهہ هہيج هہوو طـفل شـيفهہمـهہ هہيج مـوآضـيع مـعقدهہ


شـگرآ ع آلمـوضـوع آلمـهہمـ

فعلاً .. نورتيني يالغلا

[اسرار الكون]

كلش حلوه الطريقة الي معروضة بالفيديو
وتعلم وتفهم التلميذ انه القسمة هي طرح متكرر من المقسوم عليه.
المناهج بيها نوع من الصعوبة حسب ما يقال وأغلب كلام الناس يشتكون والله اعلم..
موضوع يستحق النقاش
شكرا ع الطرح

طريقة حلوة بس ماعتقد يكدر يستخدمها وية ارقام اكبر !! مااعتقد ح تبقى نفس حلاوتها ونفس سهولتها ، والطريقة القديمة هم كانت تعتمد على جدول الضرب وعلى القسمة بس بطريقة منظمة ويكدر يستفاد منها بأي رقم كان هي طريقة وحده حتى لو كانت بوينتات

تحية لك

[اسرار الكون]

تدميريه
مو تعليميه
شكرا للطرح

مشكور ع الرأي
نورتني

[Scrap]

طريقة حلوة بس ماعتقد يكدر يستخدمها وية ارقام اكبر !! مااعتقد ح تبقى نفس حلاوتها ونفس سهولتها ، والطريقة القديمة هم كانت تعتمد على جدول الضرب وعلى القسمة بس بطريقة منظمة ويكدر يستفاد منها بأي رقم كان هي طريقة وحده حتى لو كانت بوينتات

تحية لك

صح بس الطالب لازم يعرف القسمة شنو هي بالأساس وهم ثالث ابتدائي يعني ماعدهم أرقام طويلة وهذا شي اساسي حتى يتهيأ الطالب... إلي ادري بي ك دراسة خلال أيام السنة ياخذون كل شي بالكتاب بس خلال الامتحانات فقرة المسائل وبعد ما اعرف اي فقرة متدخل ضمن الامتحان
المنهج كان لازم يتغير بس طريقة التغيير صارت جذرية وبدون أي مقدمات

[عدنان الواثق]

مو رفضنا ع التغيير ابد
وجواب يمام يوضح اللي نحتاجة
ويوضح سبب رفضنا

تحية الك

سبب رفضكم هو عدم التخطيط المسبق لهكذا خطوه من قبل التربيه وعدم تهيئة الأمكانيات التي تساعد على نجاح هذا التغير وكما وضحت يمام بأيجاز اتفق معكم لكن ليس حلا ان نبقى لانتغير فإن كانت الخطوه عرجاء في بدايتها لكن ستتقدم مستقبلا وسيتكيف القائمون على التعليم وفق التغير الجديد تباعا وبما انها خطوه فإذن هناك مسير نحو الأفضل هكذا يجب أن نفكر لا أن نتقوقع في مكان بالي عج بتراب القدم فالدنيا يتسارع نبضها تلهث نحو الرقي الأجدر عدم السكون والأجيال القادمه سيكون لها شأن آخر وستحصد ثمار هذا الزرع رغم التضحيات...

[اسرار الكون]

سبب رفضكم هو عدم التخطيط المسبق لهكذا خطوه من قبل التربيه وعدم تهيئة الأمكانيات التي تساعد على نجاح هذا التغير وكما وضحت يمام بأيجاز اتفق معكم لكن ليس حلا ان نبقى لانتغير فإن كانت الخطوه عرجاء في بدايتها لكن ستتقدم مستقبلا وسيتكيف القائمون على التعليم وفق التغير الجديد تباعا وبما انها خطوه فإذن هناك مسير نحو الأفضل هكذا يجب أن نفكر لا أن نتقوقع في مكان بالي عج بتراب القدم فالدنيا يتسارع نبضها تلهث نحو الرقي الأجدر عدم السكون والأجيال القادمه سيكون لها شأن آخر وستحصد ثمار هذا الزرع رغم التضحيات...

بس حتى نكون متفقين مو كل تحديث هو الافضل والا سنكون في قوقعة ، حتى بعالم التكنلوجيا كثير برامج فشلت بسبب التحديثات ..

لكن ليس حلا ان نبقى لانتغير

ومو حل نغير شي والاساس خطأ ، مثل اللي يشتري ثريات للغرفة والغرفة اساسا مو صالحة للعيش ، يعني سابقاً كانت مواد مناسبة للسنة الدراسية و وقت استراحات كثيرة بالاضافه الى درس الفنية والرياضه والوسائل التعليمية بالنسبة لاعداد اقل ماخذات حقهن بحيث الطالب متهيئ علمياً وكان درس الاسرية درس من افضل الدروس للبنات حاليا عكس هالشي تماماً ، المدارس مو صالحة للدراسة الاعداد مو صالحة للاستيعاب المواد بالنسبة للسنة الدراسية مبالغ بيها جداً فقط كثرة معلومات وبس ماكو اي رقابة هاي المعلومات شوكت تخلص بالسنة !! ف اني عفت هالامور كولها اجي ع المادة العلمية !! اتذكر جنا من ما نلحك نخلص مادة الامتحان نروح للاستاذة تأخر وقت الامتحان ، كانت تأجل الوقت وقت اطول وتكول درس اليوم يدخل بالامتحان بهالحالة سوت عدل طولت الوقت وكثرت جزء من مادة الامتحان بس مو عدل ولا من ذكاء من اشتكي من قصر الوقت بالنسبة للمادة الدراسية والقرار يجي الوقت ثابت والمادة الدراسية تكثر وتتغير !!

من اني عندي قدرة احدث واسعى للافضل بالنسبة للتعليم ابدأ بالاساس حتى اكون متهيئ ل لفل ١٠٠ بالنسبة بالتحديث

اسفة ع الاطالة

[اسرار الكون]

صح بس الطالب لازم يعرف القسمة شنو هي بالأساس وهم ثالث ابتدائي يعني ماعدهم أرقام طويلة وهذا شي اساسي حتى يتهيأ الطالب... إلي ادري بي ك دراسة خلال أيام السنة ياخذون كل شي بالكتاب بس خلال الامتحانات فقرة المسائل وبعد ما اعرف اي فقرة متدخل ضمن الامتحان
المنهج كان لازم يتغير بس طريقة التغيير صارت جذرية وبدون أي مقدمات

الوقت مو مناسب للتغير ابداً ، بالاضافة الى الطريقة القديمة هم كانت اساسها جدول الضرب والطرح ..
تحية لك

[الياسمين]

عامل عقلية الطفل بمحدودية يظل محدود الفكر ولا يتطور بينما حاول ان تعامله بأفق واسعة وادراك اكبر ستجد تجاوب وانطلاق و وتطور ذهني ومعرفي
الاطفال خلقوا لعصر غير عصرنا لذلك يجلب أن يعدّوا لزمنهم
ان مع التطوير المستمر للمناهج التعلمية بما يواكب التقدم العلمي والتطلعات الى الامام

[اسرار الكون]

عامل عقلية الطفل بمحدودية يظل محدود الفكر ولا يتطور بينما حاول ان تعامله بأفق واسعة وادراك اكبر ستجد تجاوب وانطلاق و وتطور ذهني ومعرفي
الاطفال خلقوا لعصر غير عصرنا لذلك يجلب أن يعدّوا لزمنهم
ان مع التطوير المستمر للمناهج التعلمية بما يواكب التقدم العلمي والتطلعات الى الامام

لو قارية تعليقي السابق كان عرفتي شنو اقصد وليش رافضين الفكرة
اهم اساس بحل مشكلة هي دراسة المشكلة ومعرفة نقاط القوة والضعف بعدها ع هذا الاساس اجد حلول مناسبة

تحية لكِ