مغمض أشوف بجيدك وأنه الشريان مو آنة الغشيم وناس يحچولة ..
مثل الدنيا من تعرف تأذي الناس
أعرفنة الترف من طگة حجولة ..
وما أگلك بگلبي شصار من صديت
اليعشگ من صدگ البگلبة ميگولة ..
أول مرة أشوف الظلمة نهر بگاع
الليل بلا نجم للفارگ شطولة. .
يل مخليني أرجف علم من الشوگ
طفل بمگبرة وأشباح طلعولة ..
فرحتي بعينك أنكسرت بلم بالروج
مثل أب وتجيه بنية مشلولة ..
آنه أعلم بالشجر جم ورگة صفرة اطيح
بس وياك أحس تاليتي مجهولة.
وصدگ بعدك صغير وآني أخذني الشيب
وبوجهي عجوز وناس معلولة ..
مو كلمن كبر ينشمر ورقة بيير
من يكبر الصوت يصير هلهولة ..
# ادهم_عادل
رد مع اقتباس
المشاركة الأصلية كتبت بواسطة فقار الكرخي
