گبل لا اجتف واسبل
... اريد اسأل؟
ليش اليخنگ احلامي
ويبوگ عيوني مايخجل اذا صلى ؟!
بنية هلكد ماتحب وأعرف وتخاف
من طاري الشمس تجفل ..
گبل ليصير عورة الصوت
أريد أم الشهيد بكيفها تهلهل ..
گبل لااجلد الزاني اگلة اعشگ
وأفهمه
افهمه
الله اليحب الناس مايختل ..
گبل ما عمم أاطفالي
اعمم كلبي المفرع! ..
وگبل ما أحجب بنيتي
افهمهه الشعر مو عيب
لكن عيب لو
ينجرر بيد انسان ميحبه! ..
وگبل لا أصوم اشوم من طواري ايم
مو صايم ونام هي جوهرة الشمس
علية مخضرة! ..
وگبل لااقتل المرتد
افكر ليش عاف الله ..
أشبّعنّه خبز وهدوم
واحترمه للجايع ..
اذا راد المريض ينام عيب يأذن الجامع ..
زحمه الطفل يجفل من اسم الله! ...
گبل لاأصلي واتوضه اعبر شايب الشارع ..
كون الدين ينطي لكل ضرير عيون
ميسوي بشر ضايع ..
أدور نص جديد ودين
مابي اي حرف جارح ..
أدور والگة وجه الله يلالي بدمعة النازح ..
الگة الشيخ بالة إعلى الفلس سارح ..
أدور دين يبقى وياي مو رايح! ..
أدور عن نبي الله يفهمني وياي مو ضدي
ويعلمني اشيل الكافر الطايح ..
ما ذبحه لان مامقتنع بيه! ..
أريد ابني وطن للناس گبل لااأني بيت الله ..
ما ألتزم بالاحكام اذا خلتني ضد الناس ..
مااحترم نص اي دين شرع موت بني آدم ..
اهمل كل حديث يكول أجبر وادم أصلي ..
والكافر اشوفه انسان ..
م يشوف الدين من همني يا باب
ميهمني يصلي شلون
لا أسألة رسولك وين؟! ..
بيني وبين كل انسان دم وطين ..
بيني وبين كل شجرة علاقة تين ..
احب الناس
كل الناس
واحضن كل جرح مايدري أصله منين ..
أسير سالفة نسوان وأمدد گحل جوه العين ..
ما أحتقر أي أنسان. .
وما أكره شخص
ما دام الله مفتولح البيبان ..
ما دام الشمس تتغطيه بالبستان ..
حتى الشجر عشره وياه
من يبرد أفصّلة الورق قمصان ..
-------
# ادهم_عادل
رد مع اقتباس
المشاركة الأصلية كتبت بواسطة انثى مخمليةة
