گبـل لــ تــروح اوگــف روح حــلف اللــيل
يجيــب ســوالــفك ويحــطهن بــبالي
ويســولفلــي ســوالف ڪــون مال اثنــين
واحــد عنــد الاخــر بــ العشـگ غالــي
ويــرسمــلي سمــا الما چـــان بــيهه هــلال
يضــم روحــه بخـجل مــن يطــلع هــلالــي
ويذڪــرني ببــشر وي نـفس ريــتي يــبات
ولفـي الچــان مالــي وهــسه مــو مالــي
چنــت لو ما اجــي يرســل رســايل بيــض
مثــل نيــتي افـتهـمهه وتــرســخ بــبالي
واجــي ونتــلاگـه ملـگه المــطر والفــلاح
ويهــب الحــنان وي الهــوى العــالي
العاشگ فشل يمشي لوحده بين الناس
النجمة الما تحب من السما تلالي
المذنب والمفارگ ما ينام الليل
يوهوس للصبح والجفن مو خالي
يلون أرداني صاير بالجفن نيشان
ليل جفاك حتى نجومه تنعالي
ترفه رويحتي وهجرك لبس عاگول
كشخ بيه النده وهجرك تدنالي
الورد بيت الدفو من البرد للفراش
حضنك والعشگ هيچ يتراوالي
بس عندي طلب يالردت مني تروح
أذا محبوبك انه ومن صدگ غالي
گبل لتروح اوگف روح حلف الليل
يجيب سوالفك ويحطهن ببالي
يارب الهلا بس صرت الله وياك
خل يبرالك الله ودمعي يبرالي
لــ حسين المرياني...
رد مع اقتباس
