برد ما ينطفي بـ الناس
برد يلهب
برد ما ينطفي بـ الناس
او ولا گطرة دفو تنداس
جحيل او كاس
واغرف بـ النوايا السود لآخر طاس
علة إحرورة الحيل امناطرك جيّة
علة إيبوس البشفتي امناطرك ميّة
إمناگط طيفك ، وحسراتي و آآهاتي ، وزلف عمري
هذن كلهن يريدن منّي ترچية
هذن كلهن يهفّلي إمن اسلهم يم رفيف الگيض
ويدنّنّي علة آخر ساجية قدّاح جاساها البرد ، والفيض
وارد الموسم الطيحة دمع حايل
يطرني الشوگ ويحوشة ردن هدمي
دمع مدمي
أبربع بـ الدمع والدم واطگ شمسين
بـ وحيدة افك ريج الفجر بيها
والاخرى بـ مغربية انشوف تاليها
ونتگشمر هوى وبردة
ضوة او وردة
ألمن بيك واتبدّة
واچنز من سمارك للخبز حولين
إملهوگني اعلة ضلّك وانه حور العين
ويردّ البرد ويطگني
واحتر ، وابرد ، و اعرگ ، وجحّل اااه
ياذيني الهوى والله
يبردنّي الحِمم والله
إشاااه إشاااه
مريم جواد
رد مع اقتباس
