خاف الك نيه تشيل خشمك عله هواك
كطعت هـوى بغركـان راح اكطـع ويـاك
فرزنتـك امـن اسنيـن واعـرف عيوبـك
وأحجي شوكت ماريـد وافتحهـه بوبـك
صح انت عني بعيد وصح ما اشوفك
بس كلبي بالدكات ينطق حروفك
آخ شـمعز ملكاك ملكه امي جنــه
مو ولـف جنك ذيـج كعدات اهلنه
گـول شتـريد اتگـول مـآ همـلك آني
لا انـگـص ولا راح يـهـتـز مجـانـي
شخله الوكت وياي مدري شبعد ضام
طكــاته كلــهن حــيل وصــلن للعظام
يـاس انـته مـو غـنيـت شـو گطع بـيـﮪ
حـن وانـه احـن مـافـاد ماحـن عليـﮪ
طفـوني طگ برڪان بضلو؏ـي الگصار
حـرگت ابـراهيـمـيـن مـو واحـد النـار
دنيـه وتـدور هوآي ويـغـث حجـيهـه!
تآهـت والـمتيـهيـن صـرنه احنه بيهه
من چنت يمي الناس ماتحچـي فنهـه
رحـت انـت والخرسـان مـدت لسنهـه
صايم لچن حسيت ريجي انترس ماي
فسـرها شيـخ وگــال عندك ولف جاي
رد مع اقتباس
