الجمنـي بـعد حيـل استحـق لجمـه
جرحك لجمتك بعيوني احس نعمه
وحركني خشب خليني أصير ارماد
العـاشك لو بـرد مـايعتبر زلمـه
وردني اخظر غصن بس ذب هلا
من بعيد جا هي الهلا من شفاك هم چلمه
وردني شما اجي ورفضني
حيل وياي عفت هاي الخلگ
ومجلب بنجمه
وثلمنــي ثلـم حايـط وبـيدك فـاس
حلات الحِب كبل من فوك بيه ثلمه
حلات المن يحب يشبر الگاع
جفوف عله عطر اليحب لو اثر من جدمه
والجمني صدك رايدلي ذكره وياك
فاهي البالعشگ ماكاشخ بلجمه
فاهي الماكعد سلس اطراف الليل
بجويه وجكاره وبس صور يـمه
ونكتني نكت كون احس روحي
عثوگ المعـدل يخــوف لو نكــت هـدمه
وخبصني خبص خل فوضه روحي تصير
التقاطع ينعرف من تكثر الزحمه
كريم حاشوش
رد مع اقتباس
