قصيدة سيدي يالمنتظر مكتوبة لميلاد الامام المهدي (عج)
وجهك احله من الگمرسيدي يالمنتظر
...
يا هله بأنوارك مهدينه يالغالي
بالوفه نادينه يالوالي يالوالي
كل محب نادالك ما غيرك يحلالي
تعلگت بچفوفك يالغايب امالي
بمولدك يحله السهر
سيدي يالمنتظر
...
انته كل امنيتي يالغيرك ما عندي
يضوي كل الدنيه ضي فجرك من يبدي
يل خذت كل عمري وكل حبي وكل ودي
بانتظارك روحي يا مهدي يا مهدي
كلشي للطلعه انتظر
سيدي يالمنتظر
...
ما سمعت الوادم بمحبتك لاموني
انته انته اتهمني والناس ميهموني
شايلك بعيوني بعيوني بعيوني
انه اظل مجنونك واتباهه بجنوني
ما يغيرني الدهر
سيدي يالمنتظر
...
سيدي يا ليلة ميلادك محلاها
ظلمه ظلمه الدنيه بس نورك ضواها
خادمك واتباهه واتباهه واتباهه
والحياة بدونك مولاي ما ردناها
يا اعز من النظر
سيدي يالمنتظر
..
يا صلاتي وصومي وتكبيرة احرامي
يا نبع ولشوفك ظل محبوبك ضامي
سيدي يالمهدي يا كوكب احلامي
يا امير سنيني وشهوري وايامي
بالگلب حبك كبر
سيدي يالمنتظر
..
يالملكت ارواحنه وگلوبنه واحساسنه
يا نفس ونحسك تتحكم بنفاسنه
ترابك احنه وانته مولاي تاج براسنه
مانعوفك نقسم يالمهدي بعباسنه
لاوحگ چف الگمر
سيدي يالمنتظر
..
كرار حسين الكربلائي
رد مع اقتباس