اذا عودك ذبل بالماي .. راضع موت من گاعة

الكاطع
،،،،،،،،،
ولمك لمة الخاطر بالعتاب
ونشدك من عطشتك ليش ماجيت

ابو خلدون
،،،،،،،،
ابكل حرير الله حچيت وياك
وتگلي خشن

مظفر النواب
،،،،،،،
الناس متلهفه اعله خدك
وانت تاكل برتقال

كاظم خبط
،،،،،،،،
خضر عشب رجلي بعتبت الباب
ولا مديت راسي امن الروازين

ناظم الحاشي
،،،،،،،،،،،،
البرحي والزهدي خذن نفس اللگاح
لاچــن تشوف الفرق بعثوگها

محسن الخياط
،،،،،،،
اباري وادري وعدك ذاك
غيمة صيف ما تمطر

غازي ثجيل
،،،،،،،،،
ومـيض الشيب بالظلمه
حمام أبيض

عزيز السماوي
،،،،،،،،،،،
تچوينا نعم نگطع هواها تموت
كافي تظل عمر بچفوفنا الجمرة

سمير صبيح
،،،،،،،،
جان وجهك اول ولايات عمري
واخر ادروب الضياع

غانم الفياض
،،،،،،،،،،
يــادهر تركض عليه أنه شوراي
لــو ثخين الفي علي ما سومرت

فاضل غضبان
،،،،،،،،،،،
الناس بيها اجروح تحتاج الطبيب
وانه بيه جروح تحتاجلها ناس

فاضل عبدالساده
،،،،،،،،
لو دره البلبل بواچيه غنه
يبلع السانه ويموت

علي الشباني
،،،،،،،،
انه ابن البارحه هاي السنين منين

عطا السعيدي
،،،،،،،،،
من لونك خذو للشوف عين مكحله بصكرين

شاكر السماوي
،،،،،،،،،
ليش ماجيتي
گبل ما توصل الفضه الكذلتي

محمد الغريب
،،،،،،،،،
واگلك مابعد بالروح جمار
ياصاعود روحي شهالنداره

صاحب الضويري
،،،،،،،،،
يا عسل
نخل الجنوب
يلحلاتك شرّگتني بغير ضوگ
طيح عاليهواك طيح
گبل لا تيبس حلاتك وانته فوگ

عبد الاله منشد
،،،،،،،،،،،،،
ماگلتلي الريل عافيته الغرب

عباس الغالبي
،،،،،،،،
وديتني للسمه وهديتني من اهناك

لميعه عباس عمارة
،،،،،،،،،
الليل طال
وبخت عنده اليروي عينه بشمس باچر

الراحل كاظم الركابي
،،،،،،،،،
احب وگفة ضميرك والسهم جاي

ايهاب المالكي
،،،،،،،،
اتخضر بروحك اغاني ..ويكبر بروحي مصاب

صابرين جواد الكعبي
،،،،،،،،،،،
حسافه الصحبه من اتمر
ضحك شفه وگلب خطار

محمد الجراح
،،،،،،،،،
اشتهيتك تين بري
تين الولايه غشيم ... وطبعه فاهي

نوفل الصافي
،،،،،،،،،
اثنينهم ينطون للما عنده ماي
اشجاب وجه البير يم وجه النبع

ميثم فالح
،،،،،،،،،،
وميز الريش معروفه الطيور الوان
مو شرط الغراب يصير لونه اسود

علي مطشر
،،،،،،،،،،
استثكلوني هدوم موته
وكلها رادت مني تخلص

ابو فتيان
،،،،،،،،،،،،
اميزك لو تصير براس نورس شيب

رفعت الصافي
،،،،،،،،،،،،
الدين والمعتقد مو بالاذان اصياح
خلوني افكر عدل ..؟
ايجوز اطلع اعشگ علي .. بالكنيسه ارتاح

احمد سعيد
،،،،،،،،،،،
الليل شبعني سفر واني بمكاني

الحي علي رشم
،،،،،،،،،
اشچـم مرسال وديته ..
وگبل لا ينفتح "ينشــگ

غني محسن
،،،،،،،،،،،
انه المنشود مو ناشد والي اشهود
الي بكل سچه منا فوت يا فلان

ساجد المحنه
،،،،،،،،،،،
لان روس البشر عكس الفراغات
كلما تنترس تستوعب ازيد

نائل المظفر
،،،،،،،،،
شكد بريئ اليحط لمساته بكنيسة و هو مسلم

حامد الشمري
،،،،،،،،،
احلم وطن بلون الناس
ما بي واحد يهدم بيته ... ويعمر بيت الترباس

عماد المطاريحي
،،،،،،،،،
العلگ صح وصلة بس بساعة الحلفان
يكتل بي بخت لو چذب شديته

مالك السلطاني
،،،،،،،،،
حلاة الموت وانت وياي
مايدري الندى من يموت
ماطوله بحضن ورده

ميثاق الهلالي
،،،،،،،،،،
صوچك صوفرت بچيت فلاح
لو تشرب نهر ما ترجع اخضر

علي الشمري