معجزة ابو جبار
سالفتنه اليوم
معجزة ابو جبار
ابو جبار زلمة چبير بالعمر ويتعلم بالاميه ومرته فرحانه من رجلها راح يتعلم لان هي متأثره بالاغنيه المشهوره(اليقرأ ويكتب بسمار اندگه بعين الاستعمار)
وطلعت صايته القديمه وخيطتها جنطه للكتب .......
وصادف يوم عطله وام جبار طلعت الكتب وخلت الخبز بمكانهن حتى ماييبس.....
وثاني يوم ابو جبار راح لمدرسته ولمن فتح الجنطه داخل الصف صاح الحاضرين اللهم صلي على محمد وال محمد كتب ابو جبار انگلبت خبز وهاي معجزه.....
واللي وياه بالصف بخيت اللي يحصله لگمه للبركه وخو المعلمه شمرت روحها على الجنطه حتى تتبرك بيها......وصار بيت ابو جبار مزار للتبرك
ومرته هم غلست عل موضوع لان شافت الشغلة حلوة
وگعد للناس يعالجهم ونكتبت عشرات القطع على بيته ومنها وحده شابه خلت قطعه مكتوب عليها .شكرا للملايكه والى ابو جبار لاني حبلت .....
واحد دگ قطعه شكرا لنجاح ابني جعيو بعد سنتين رسوب.....
وطگت أحوال ابو جبار وتزوج اثنين لان چانن مريضات واهلهن نذروهن أله ........
ورغم ذلك ابو جبار قرر يرجع لمدرسته حتى يواصل تعليمه
و گام مايفتح الجنطه الا داخل الصف وجماعته يتفرجون وفي كل مره يتوقع معجزه تصير بجنطته
.وذاك اليوم زوجته القديمه قررت تنتقم منه لانه تزوج عليها اثنين
وجمعت مجموعة نعل أجلكم الله النعل القديمه ابو الاصبع وترست جنطة زوجها وعندما فتح ابو جبار حقيبته واذا بها مليئه بالنعول حشاكم
وانتشر الخبر ان الملائكه غضبت على ابو جبار وسلبت نعمته....واجت الناس اللي أخذ منها فلوس تطالبه بأرجاعهن ..
وابو جبار هرب من المنطقه ولازال مختفيا الى اليوم....... ههههه
سالفتنه
اقول هسه جماعتنا صارلهم ١٦ سنه يضحكون علينا .واكلوا الغالي والرخيص.....فمتى الشعب يسوي وياهم سواية ام جبار
رد مع اقتباس
