هنا

[فقار الكرخي]

احم احم .
رجعت


1 . لا تطبخين . لا تخبزين . لا تسويلج شغلة بالبيت . على كولتج
بس اكل ونوم ونت .
طيب شنو لعد دور البنية بالبيت


2 . بنظرج شلون تكون المرأة العصرية
اكل ونوم ونت لو شنو


3 . تكولين اشيل مكياج بالجنطة من اطلع .
شلج بي
وخاصتا احنه نعرف ان جمال المرأة بأخلاقها


4 . تكولين ما اطلع هواي
لعد هذا الانطباع عن الرجال مقرفون
منين اجاج


5 . شنو يحتاجلج حتى تضحكين ضحكة من كل كلبج


6 . اذا الرجال مقرفون .
منو راح ينعم بالأنوثة التي تحملينها


7 . انتي شنو هدفج بالحياة


8 . زين انتي بهذا عمرج وكلشي متعرفين تسوين
مثلا طبخ وامور المنزل
شلون باجر عكبة اذا تزوجتي
وعمج او زوجج كال اليوم انتي تطبخين
شتكليلهم ما اعرف


9 . قدمي نصيحة للبنات الاصغر منج


10 . يكولون المرأة نصف المجتمع
نكدر نكول عليج انتي نصف المجتمع
لو هذولة جانو بكيفهم يسفطون





واكتفي بالأسئلة
واشكر زينب (بطيخة) على سعة قلبها
اتمنالج الموفقية

[زهرة اللوتــس]

هلا وغلا منورتنا بطيخة ..

بما انو الجماعه سألوج هواي اسئلة وبما انو اثنينا نحب الدراما الكورية .. راح اسألج كم سؤال يخصها وللتغيير

..
1_ كم عمرج عندما بدأتي تتابعين الدراما الكورية ؟؟؟

2_ شنو اكثر شي مفضل عندج .. المسلسلات ام الافلام ..

3_ البرامج الكورية والفرق المغنية هم تتابعيها واذا اي شنو اكثر برنامج عجبج .. واكثر فرقة تحبيها ؟؟؟

4_ اسم مسلسل كوري شفتيه اكثر من مرة او فلم عجبج كلش ؟؟؟

5_ عندج ممثل كوري معين او ممثلة تحبين دائما تتابعين اعمالهم ؟؟؟

6_ هم تتأثرين باحداث الدراما الكورية .. فلم او مسلسل .. سواء كان حزن او فرح ؟؟؟

7_ عندج صديقات بالواقع يحبون الدراما الكورية لو بس انتي ؟؟

8_ من خلال حبج لكوريا .. هم تستنتجين حكمة او عبرة من تشوفين مسلسل او فلم .. لو بس متابعه ؟؟ واذا اي اذكري لنا عبرة استنتجتيها ؟؟

9_ اول مرة تابعتهم كنت ماافرق بينهم كلهم متشابهين واتذكر مسلسل جوهرة القصر اكثر شي .. انتي هم هيج لو كدرتي تميزين ؟؟

10_ هم جاي على بالج ان تاكلين اكلاتهم .. المسموحه لنا طبعا كمسلمين .. مثل الكيمتشي وغيرها ؟؟

11_ واخر سؤال .. جاي على بالي اتابع مسلسل كوري او فلم بشنو تنصحيني ؟؟؟

.................

اجوبتج لهذي الاسئلة رح يستفادون منها محبي الدراما الكورية

[^-^بطيخة^-^]

احم احم .
رجعت

اهلاا وسهلااً ..


1 . لا تطبخين . لا تخبزين . لا تسويلج شغلة بالبيت . على كولتج
بس اكل ونوم ونت .
طيب شنو لعد دور البنية بالبيت

-البنت بالبيت مو بس للخدمه ترا .. بس احنا متعودين مخلينها بس تخدم ..
المهم ، نحجي مهمتها حسب الشائع ، تربي و تساعد امها .. وتدرس "هاي اهم فقره"
بس عادي اني ما اشتغل لانو متكفيه بأخواتي وأمي ^^


2 . بنظرج شلون تكون المرأة العصرية
اكل ونوم ونت لو شنو

المرأه العصريه ثقافه وفكر واخلاق وإنسانيه ووعي


3 . تكولين اشيل مكياج بالجنطة من اطلع .
شلج بي
وخاصتا احنه نعرف ان جمال المرأة بأخلاقها


مگلت اشيل مكياج ،گلت مرطب ..وهذا ميعتبر مكياج .. و گلت قلم كحل وحمرا بيج ،، وهذني ما استخدمهم دائماً وحتى وان استخدمتهم اخليهم بشكل مرتب مجرد يبين الوجه حي ميبين مكياج .. انت لو شايفني ما جان احتاجيت تسأل هالسؤال اللي شايفاتني من الدرر يعرفون ^^


+مو كل امرأه تخلي مكياج معناها اكو إن بيها ، اكو يحبون يشوفون نفسهم حلوات ما اله داعي بالاخلاق والمثاليات وهالسوالف اللي يقنعونهن بيها مال الاخلاق مكياج

4 . تكولين ما اطلع هواي
لعد هذا الانطباع عن الرجال مقرفون
منين اجاج


صح ما اطلع .. بس مو معناها عايشه بمجتمع مبيه ولد !
بالسوگ اكو ولد ، بالشارع اكو ولد ، بالنت اكو ولد ، بالجامعه اكو ولد ..
هو بس النت يكفي انو اشوف عقليات ومبادئ بعض الاولاد المقرفه جداً بحيث الواحد يحس انو هو عايش قبل شي خمسين سنه ! .. و 90٪؜ من هالانطباع اجاني من اللي اشوفهم بالنت

5 . شنو يحتاجلج حتى تضحكين ضحكة من كل كلبج


يحتاج الها حظ وبخت وتوفيق رباني مال واحد الله راضي عليه وحابه 100٪؜ وتوفيق واحد امه مخلصه عمرها دعاء اله من اول يوم شاف الدنيا وهواي فلوس ..



6 . اذا الرجال مقرفون .
منو راح ينعم بالأنوثة التي تحملينها

ال"مو مقرف مثلهم ^_^
اللي يستاهل انوثتي

7 . انتي شنو هدفج بالحياة
-جان عندي اهداف هوااي بكد الدنيا .. حاليا معندي ولا ربع هدف .. بس يمكن الشي الوحيد اللي اريده استمر ع مستوايا الدراسي هذا بلا ما اخفظه

8 . زين انتي بهذا عمرج وكلشي متعرفين تسوين
مثلا طبخ وامور المنزل
شلون باجر عكبة اذا تزوجتي
وعمج او زوجج كال اليوم انتي تطبخين
شتكليلهم ما اعرف

اسوي مقليات .. ،٢- مو معقوله ابقى ما اعرف لحد ما اموت ^_*
يعني شلون ، بالكي الله وفقني وصارت عندي وضيفه طاگه ما احتاج اطبخ (ولو هاي يمكن بعيده هههه)





9 . قدمي نصيحة للبنات الاصغر منج

اني نفسي ما ناصحتها .. شلون انصحهم ؟؟

بس ح انصحهم بشي علمه الي زوج اختي ..

انو لا تثقين بأشخاص النت ، وحتى اللي بالواقع .. حتى وإن ماتوا عليج "خاصه الاولاد" .. اللي يحبج يخاف الله بيج واول شي يسويه من يحبج من صدك ح يخليج تكولين لامج ويكول لامه ! ويحافظ عليج من الناس ويحافظ ع سمعتج لحد ما تصيرين مرته ومن يشوفج غلط يعلمج ع الصح ويغفر لج وميكول سوت كذا يعني تعيدها لو تسوي ويا غيري كذا مدام وياي ،،
وإذا انت صديقه تحبين صديقتج من صدگ ح تمنعينها من الغلط حتى وان كرهتج بس اهم شي تخلينها تسوي الصح وبعدين هي حترجع تحبج وتكتشف جانت هي غلط ،،






10 . يكولون المرأة نصف المجتمع
نكدر نكول عليج انتي نصف المجتمع
لو هذولة جانو بكيفهم يسفطون


اي طبعا نصفه



واكتفي بالأسئلة
واشكر زينب (بطيخة) على سعة قلبها
اتمنالج الموفقية

اسعدتني بوجودك فقار .. و استمتعت هواي بأسألتك "ولو لحيت هواي ب سالفه ادم وتعبتني بيها " هههه بس عادي جداً

تسلم و التوفيق للجميع يا رب

..

[deyaar didi]

سلام
1- اوصفيلي انواع الرجال بنظرج وحسب اي قسم قسمتيهم ؟ وشنو سبب التقسيم ؟ وشنو الوسيلة اللي عرفتي انو تقسيمج هذا صحيح ؟
2- شنو اول شي جذبج بدرر العراق ؟
3- اهلج لحد يا عمر يلة بدو ينطوج حريتج من ناحية مواقع التواصل ؟ يعني بدون متستشاريهم تسوي الي ترديه
4- اوصفيلي اخلاقج بجملة من سبع كلمات

[د. حسن سعيد]

هلا زينب ، اليوم انكربت بالدوام وطلعت لمهرجانين،ما أريد أتعبج بأسئلة دراماتيكية.
41- خلي نشوف ثقافتج ، شتعرفين عن هالمصطلحات:
أ- عنجهية.
ب- تروتسكية.
ج- ديماغوجيا.
د- عدمية.
42- أسلوبج حلو يشد القارئ بس ليش تسهبين -يعني تطولين- بالكتابة وليش هالكد تحطين سمايلات ؟
43- برأيج شنو أحسن مهنة لرجل طوله مترين ونص -هذا أطول رجل بالعالم امريكي الجنسية-؟
44- اذا تريدين تضوّجين واحد شتسويله؟
45- آني هسة ضايج وأريد تقترحيلي عضو أحشش وأخبّث عليه، أو أنتِ تحششين وتخبثين عليه.
46- انتِ اقتصادية لو مبذّرة؟
47- أكثر اسم ولد وإسم بنية تحبيهن؟
48- أكثر شي تخافين منه؟
49- تخيلي يوم حطوج وياية بلجنة عمل واحنة طبيعتنا مختلفة لأني نحس ودقيق بالشغل على كلشي أعلق وأنتِ بسيطة حبابة كيوت شلون رح تتخلصين من النكنكة مالتي أو مال هيج مدير مكروه ؟
50- شتحبين يا نوع من الموسيقى ؟

[انثى مخمليةة]

هہلووو بطـيخهہ √••
عندي آسـئلهہ آلج ،،،
1_شـنوو تدرسـين ''
2_شـنو لونج آلمـفضـل
3_مـنو آقرب صـديقهہ آلج بآلمـنتدئ حآليآ
4_آگثر آگلهہ تحبهہآ ،،

هہهہهہهہهہ
مـآآريد آگثر عليج بآلآسـئلهہ ،،لآن آلجمـآعهہ مـآقصـروآ
خآف تشـردين هہهہهہهہ يلآ جآوبي

[^-^بطيخة^-^]

هلا وغلا منورتنا بطيخة ..

بما انو الجماعه سألوج هواي اسئلة وبما انو اثنينا نحب الدراما الكورية .. راح اسألج كم سؤال يخصها وللتغيير

..
1_ كم عمرج عندما بدأتي تتابعين الدراما الكورية ؟؟؟
من جنت مخلصه اول متوسط ورايحه للثاني .. يعني اعتقد 12 سنه

2_ شنو اكثر شي مفضل عندج .. المسلسلات ام الافلام ..
ال2 احبهم بس اهم شي بيهم حماس وكوميديا وشوي لوف ههه
بس مرات اذا الكى فلم حلو اشوفه ع السرعه

3_ البرامج الكورية والفرق المغنية هم تتابعيها واذا اي شنو اكثر برنامج عجبج .. واكثر فرقة تحبيها ؟؟؟
سابقاً جنت اي اتابع فرق ، اكسو و FX و بعض مقاطع A miss و بنك بس تركتهم من زماان كلش


4_ اسم مسلسل كوري شفتيه اكثر من مرة او فلم عجبج كلش ؟؟؟
أنتِ جميله مال گو مي نام .. شفته مرتين


5_ عندج ممثل كوري معين او ممثلة تحبين دائما تتابعين اعمالهم ؟؟؟
لا عادي اتابع اي شي يعجبني ما اتابع على مود منثل او ممثله


6_ هم تتأثرين باحداث الدراما الكورية .. فلم او مسلسل .. سواء كان حزن او فرح ؟؟؟

اي هواي ،، بحيث اذا حلقه سعيده ابقى بالبيت اتشاقى واضحك وافرفش ، واذا صار شي حزين ابقى ابجي واغيم عليهم وما اطيق اكل او ادرس او اسولف او اداوم اكوم بس اريد ابجي


7_ عندج صديقات بالواقع يحبون الدراما الكورية لو بس انتي ؟؟
لا بس اني .. وفيروز هم تحبهم بس هاي صديقتي من النت ..


8_ من خلال حبج لكوريا .. هم تستنتجين حكمة او عبرة من تشوفين مسلسل او فلم .. لو بس متابعه ؟؟ واذا اي اذكري لنا عبرة استنتجتيها ؟؟

النظام .. جداًنظاميين وملتزمين بيه، والبساطه عندهم .. وهواي عندهمً ظاهره التنمُر .. هذا ك نظره عامه ،،
ك شي خاص من مسلسل ما اعرف ما اعتقد استنتج



9_ اول مرة تابعتهم كنت ماافرق بينهم كلهم متشابهين واتذكر مسلسل جوهرة القصر اكثر شي .. انتي هم هيج لو كدرتي تميزين ؟؟
هههه ايي تابعت اول مسلسل ايام الزهور وجنت ما افرق بين ا2 من الابطال ، وهم حسيت الباقين يتشابهون بس شوياكو اخلاف يعني اعرف هذا مو البطل


10_ هم جاي على بالج ان تاكلين اكلاتهم .. المسموحه لنا طبعا كمسلمين .. مثل الكيمتشي وغيرها ؟؟

اي اكو اكلات شكلهم كيوت او شائعات عندهم ف اتمنى اكلهم مثل السوشي والكيمباب والرامن والكيميتشي
بس ولا مرا مجربه اعرف مكوناتهم واطبخهم او اكلهم


11_ واخر سؤال .. جاي على بالي اتابع مسلسل كوري او فلم بشنو تنصحيني ؟؟؟

امممم ، اسطوره البحر الازرق ، عن نفسي هواي حبيته ومن شفته ما مليت ابد ^^
فلم والله ما اتذكر بشنو انصحج ههه

.................

اجوبتج لهذي الاسئلة رح يستفادون منها محبي الدراما الكورية

نورتي هواي زهوورة

..

[^-^بطيخة^-^]

سلام

سلام

-وعليكم السلام .،



1- اوصفيلي انواع الرجال بنظرج وحسب اي قسم قسمتيهم ؟ وشنو سبب التقسيم ؟ وشنو الوسيلة اللي عرفتي انو تقسيمج هذا صحيح ؟
-الصراحه مبيا حيل ، تعبتوني بسالفه الرجال هههه

2- شنو اول شي جذبج بدرر العراق ؟
-مو شي معين ، بس لانو جنت اشوف اختي تستخدمه وبيه ناس تگول ف حبيت اشوفه شنو


3- اهلج لحد يا عمر يلة بدو ينطوج حريتج من ناحية مواقع التواصل ؟ يعني بدون متستشاريهم تسوي الي ترديه
-اول مرا صار عندي جهاز بالرابع اعدادي و راسا سويت تلي فايبر واتس ايمو انستا آسك ، جنت اسوي بلا ما استأذن ،، وهم ما يتدخلون بسالفه البرامج وكذا لانو ميعرفون الهن بس جانو ميقبلون فيس وتانكو (من جان الفيس عيب البنت تسجل بيه ومكان مو زين) .. نهايه الخامس صارت حريه مطلقه ، عرفوا عندي فيس وعادي ما اعترضوا .. صح امتعضوا من الامر ..وكل مرا اجيب سيرته يسووون نفسهم مصدومين انو عندي بس م سوو شي



4- اوصفيلي اخلاقج بجملة من سبع كلمات
-ما اكدر اوصفهن لانو احسني انسانه ماكو مني ^_^
الي يعرفوني خلي يوصفون




..

[^-^بطيخة^-^]

هلا زينب ، اليوم انكربت بالدوام وطلعت لمهرجانين،ما أريد أتعبج بأسئلة دراماتيكية.؟

-الله يساعدك ، ووقت ممتع يارب


41- خلي نشوف ثقافتج ، شتعرفين عن هالمصطلحات:
أ- عنجهية. : ما اعرف اوصفها بالضبط ، يعني مثل العناد والانانيه والنرجسيه ، التكبر ، اللي عند نفسه هو الصح ، اللي متمسك برأيه وافعاله وإن كانت غلط ،، هيج شي يعني تقريبا

ب- تروتسكية. : ما اعرفها


ج- ديماغوجيا.: ما اعرفها


د- عدمية : العدميه اعتقد الايمان بالعدم، العدميين يؤمنون انو الحياه اجت من عدم وحتنتهي بعدم والعدمي ميؤمن بالله ولا بأي دين لانو يعتبر بدايه و نهايه الحياه عدم .. هيج شي تقريباً


42- أسلوبج حلو يشد القارئ بس ليش تسهبين -يعني تطولين- بالكتابة وليش هالكد تحطين سمايلات ؟
ما اعرف ، ليش ، بس اخاف القارئ يحس بشي نقص بكلامي او ميتوصل للي بداخلي او قصدي ،
+ موهواي مستخدمه السمايلات (بس بمشاركه روز استخدمتهم هواي ) اني بس دا انسخ الردود ف اللي كاتب سمايلات يتكررن و كإنو اني كاتبتهم


43- برأيج شنو أحسن مهنة لرجل طوله مترين ونص -هذا أطول رجل بالعالم امريكي الجنسية-؟
يصلح كهرباء الشوارع العامه .. او جامع اطعمه الحقول .. يعني ب طوله ينزل الاكل من الاشجار وهيج ،، وممكن جداً حارس


44- اذا تريدين تضوّجين واحد شتسويله؟
استفزه بالشي اللي يضوجه اذا اعرف الشي .. واذا ما اعرف اتجاهله لانو التجاهل والتغليس يزعج الكل


45- آني هسة ضايج وأريد تقترحيلي عضو أحشش وأخبّث عليه، أو أنتِ تحششين وتخبثين عليه.
ما اعرف ، الجماعه ميتحملون


46- انتِ اقتصادية لو مبذّرة؟

بصراحه اثنينهم ههه، يعني اجمع اجمع وتالي اصرفهم منا ومنا ،، بس لحد قبل ثلاث اشهر جنت اقتصاديه جداًومضروب بيا المثل ،، بس هساالجامعه تجبر الواحد يكوم يكسر ويجبر بإقتصاده ههه


47- أكثر اسم ولد وإسم بنية تحبيهن؟
ما احب أگول گدام الدرر شنو الاسماء اللي احبها

48- أكثر شي تخافين منه؟
الخساره ، الظلام ، الوحده الابديه ، واخاف من فقدان ماما والناس اللي احبهم كلش اخاف من هالشي ،و القبور والاموات


49- تخيلي يوم حطوج وياية بلجنة عمل واحنة طبيعتنا مختلفة لأني نحس ودقيق بالشغل على كلشي أعلق وأنتِ بسيطة حبابة كيوت شلون رح تتخلصين من النكنكة مالتي أو مال هيج مدير مكروه ؟

هههه صح حبابه وبسيطه وكيوت بس هم احب الالتزام بالعمل (اعتقد) ومنظبطه، واحب الشغله ع ايدي يعني ،واحب اكمل الشي بأكمل وجه بحيث احصل عليه ثناء ومديح وإعجاب ف اذا سويت هيج اني ما راح تنگنگ عليا ولا تنكره لانو كل شي تمام

50- شتحبين يا نوع من الموسيقى ؟
الحزينه الهادئة ..


..

[^-^بطيخة^-^]

هہلووو بطـيخهہ √••
عندي آسـئلهہ آلج ،،،
1_شـنوو تدرسـين ''


2_شـنو لونج آلمـفضـل
وردي ، رصاصي ، واسود

3_مـنو آقرب صـديقهہ آلج بآلمـنتدئ حآليآ. Zainab.H و فيروز .. وروح ملائكيه وايوشه شوي .. و زهراءمُحي نوعا ما ..


4_آگثر آگلهہ تحبهہآ ،،

اندومي ، لحم بعجين مال نادينا


هہهہهہهہهہ
مـآآريد آگثر عليج بآلآسـئلهہ ،،لآن آلجمـآعهہ مـآقصـروآ
خآف تشـردين هہهہهہهہ يلآ جآوبي

هههه لا عادي عمري اسألي براحتج بالعكس مستمتعه بالاسئله

..