هنا

[فقار الكرخي]

كلوله جمر الشوك ماينلط بماي
إحفر لمكبرتين حافرهه بحشاي

حسين فوزي

عبالک اهتم بيك من گتلي رايح
مثل الربع دينار من جيبي طايح

منقول

'
مـيـت وشـفـت اهـــواي يـم الـگــبر مــر
ردت اطلع امشي اوياه بس كضني منكر

منقول

ادري انگـره ونعـاف مستـاطن الـهاي
مـالح وڪلها اجـروح التمشي وياي!

منقول

كل يوم اكولن وين ربعي بهل الغروب
ولا مروا عله الباب كطعوا فرد نوب

منقول

عونه الينام الليل ماغرگ خدّه…
وماگَلَب حتى اينام وجه المخدّه

عدنان شايع

طر يالفجر مبخوت مابيه اون... حيل
صوت اليون مسموع من ينحب بليل

منقول

سم حيه واشرب كون منه بجدر حار
اهون ولا ينجاب اسمي بحلك عار

منقول

يا وكت جا شتريد من عندي وتفوخ
من عوزي بعت بدين ملبوس الفروخ

منقول

جنت اسبك الخيال. وطي طرح يوم
يسبگني هسه الدود والتوه مفطوم

منقول

جا هلبت اتكعدون وانه ادري ميتين
مثل اليدور ماي برياك الحسين

منقول

چلچل عليه الليل و ايدي اعله خدي
ما رايد معزيات حزني اعله گدي

كاطع

شايف حلاة الليل من ولفك حذاك
تسكر بلا مشروب من شفة اهواك

منقول

لجرح اصير اضماد واتحمل الدگ
واتحزم احزامين لو صاحبي انطك

منقول


وين الكه ثوب ايوب وشلون احصله
بلكت صبر بي ضال واخذلي وصله

سجاد الغريب

اسكفها والدخان يترس غترتي
بلكي الله تكفي الضيف ريحة سمجتي

[سمراء من قوم عيسى]

وين الكه ثوب ايوب وشلون احصله
بلكت صبر بي ضال واخذلي وصله

روعه

[حہيہدر الہبغہداديہ]

مأراوع قلمك حين يصول ويجول
بين الكلمات تختار الحروف بكل أتقان .
تصيغ لنا من الأبداع سطور تُبهر كل من ينظر إليها ..
دمت بحب وسعاده ..