أترحمت عليه .. وشاركت بالتشييع ... و زرت قبره وقرأت الفاتحة
( و أني الممنون )
أترحمت عليه .. وشاركت بالتشييع ... و زرت قبره وقرأت الفاتحة
( و أني الممنون )
بصراحه لكل منا تركيبته الخاصه وأسلوبه الذي أعتاد عليه...بالنسبه لي شخصيا سريع النسيان لكل من يظلمني متعمدا هذه حقيقه لكن تبقى نوع الأثار التي خلفها ذلك الظلم ومع انتهاء الأزمة أعاود كأن لم يكن شيئا مع الحذر طبعا..وهنا حين تكون نهايته سأكون عليه حزينا لعلة أنه مات ظالما ..وماأسوء ذلك المصير أن تكن مظلوما خير من هجرك الدنيا ظالما..فسامحوا خيرا من الأحقاد أن تبقى جاثمة على صدوركم
ما اسامحه فوك ما ظالمني
^ جا لا دنيا اخذت ثاري وفوكاها بالاخره ماخذ حقي ):
جا هيج كلبي ولا يرتاح
الا اخذ حقي دنيا واخره ^
اذا كان ظلمة قاسي اتجاهي م اسامحة
العفو اخ عدنان وآسفة على ردي على مشاركتك ، إذا جان الظلم من شخص معروف بالزنا والفجور والمعاصي وكل اللي حوله يخافون يحتكون بيه ومحد يختلط بيه والدنيا كلها تعرفه يجي بكل قذارة ونكاسة وانحطاط يظلم بنت شريفة ما الها أي ذنب بفساده وفسوقه وسمعته اللي بايده لطخهة بالعار وخلاهة جوة الحضيض ، وتماما هو يعرف شكد هي بنت نقية وطاهرة وعفيفة كل ذنبها انها كشفتهم على حقيتهم وما وكعت بفخهم هذولة العائلة الفاجرة النكسة القذرة هو هذا كل ذنبهة ويجي هذا الزاني يتهمهه بشرفهة اللي ماعندهة أعز واغلى منه ووحده ألله يعلم هذا المنحرف شنو اللي مسويه وشنو الشغلات اللي مفتعلها ومدبرهة وشنو المكائد اللي كايدهة حتى يلوث سمعتهة وكونه يعرف تماما شكد هو نكس وقذر ومشبوه حتى يجيبلهة أسوأ كلام مخطط وحابك حبكة مدروسة مسبقا بكل تخطيط ودقة في سبيل يضربها بسمعتهة اللي طول عمرهة نظيفة في محاولة منه ان يشكك اللي حواليهة باخلاقهة وبعفتهة متأملاً انه تبقى بدون زواج وتسيء سمعتهة ومحد يتقدم الهة ومقتنع انه رح تضطر تقبل بعاهر مثله بالوقت اللي هي من الاساس لاغية وشايلة هذا المشروع الفاشل اللي يسموه (مشروع الزواج) شايلته تماما من حياتهة ولا معترفه بيه ولا تحب وجود الأطفال حولهة ولا عندهة أي شعور تجاه الاطفال وكل هذا اللي سواه وهو متأكد شكد هي تكرههم اله ولاهله الكذابين عائلة عايشين بالاكاذيب والخداع ، بس أتعجب على واحد شلون محتمل قذارة نفسه هذا شلون عايش! شكال وشيكول لنفسه من يمارس هاي الاعمال المحرمة اللي منزلتهة منزلة البهائم وحتى البهائم مترضاهة على نفسهة طيب اللي مشى بهذا الدرب مو لازم يكون محلسب حساب النتائج والعواقب واذا هو زاني شنو ذنب الناس العفيفة بزناه وفجوره؟ جاوبني اخ عدنان هذا مال واحد يسامحه لو يحركه بالتيزاب؟ بس اريد جواب وآسفة ع الرد على مشاركتك أخي
حسب الظلم ، أكو شغلات ممكن نسامح عليهن وأكو شغلات مستحيل نسامح عليهن، لحد يكول الله مسامح وهالكلام وإلّا كان أهل البيت سامحو ظالميهم ، القصد مو كلشي يتسامح عليه
اسمحلي أستاذ حسن ارد على حضرتك ، اني كلش حالتي النفسية والصحية تعبانة والضغط النفسي والقهر رح يقضي علية وما اريد ارجع وادوخكم بنفس الموضوع بس ألله يشهد انصدمت صدمة هاي القاضية وتمرضت من ورا هالزبالة الخايس المجرم عديم الأخلاق والضمير وكلامك صحيح مو كلشي نكدر نسامح عليه خاصة السمعة الطيبة من يجي نكس ويحط علهية نقطة سودة عليهة هاي شكد رح تكلف المظلوم من صحته وعافيته وقابليته وطاقته يعني النكس شنو ذنب الناس بنكاسته؟ وألله بحياتي ما لجأت للعنف والقوة والأمن بس بهاي ما اكدر اسكت الشغلة صارت كلش معقدة يعني مجموع الجرائم ارتكبهة مرة وحدة بحقي وهذا من رح يتحاسب على جم جريمة رح يتحاسب؟ وهسة المراقبة هينة لمن يراقبون الامن مجموع المتصلين بجهات الاتصال خاف اكو تجسس لو اختراق يعني رح انجبر ارجع للتطبيقات رغم كرهي الهة كارهة مواقع التواصل والتطبيقات بكد السماء والارض بس لازم اراقب جهات اتصالي ومن فترة اني اشتغلت على تأمين الخصوصية من الاختراق من العطلة الربيعية بس بعد مصار عندي مجال اراجع واتعمق ويا الأمن ما عندي مجال بس مال تطلعلي هاي السالفة صفح هاي اللي صدك دمرتني وعموما رجعت دزيت خبر الهم قبل جم يوم وهسة لازم ارجع أشوف ليش جهات اتصالي هواي ما احصلهم بالواتس آب ابد ما توصلهم رسائلي وما احصلهم من اخابرهم بس اريد اتأكد من هاي الشغلة اذا تطلع محاولة اختراق لو لعبة ثانية كلها هاي وراهة حساب وكتاب يعني اللي يعرف نفسه منبوذ قابل يفرض نفسه ع الناس ؟ كل واحد يعرف قدر نفسه ومو بس ما اسامح اصلا رح أقضي عليه وادفعه ثمن جريمته بحقي حتى لو تطول الشغلة المهم اثبت برائتي
من يجد في نفسه إمكانية الصفح والعفو ،، فاليدخل هنا ويعفو ويسامح الأحزاب السياسية وقادتها على ظلمهم للشعب ، او على الأقل يتنازل عن حقه الشخصي الذي اغتصبوه عنوة . فحتى وإن كان التسامح في بعض وجوهه شجاعة فإن ممارسته بعض الأحيان يعد ضرباً من التخاذل والجبن .
شُـگـــرآ لكم أحبابي واصدقائي
للمشاركة في ابداء ارائكم
واغنائكم له بالمناقشة
اذا ضربت مجنوناً ردّاً لضربه إيّاك ، فلا يفرّق الناس بينكما.
كن كالشجرة المثمرة التي تُرمى بالحجارة فتُسقط ثمراً .
اذا آذاك شخص ما بذاتك دون الآخرين ، فابحث عن الخلل فيك.
وإن كان مؤذياً لاغلب الناس، فلا يدوم عليه الحال، فالحياة يومان، يوم لك و يوم عليك.
مهما كان انتقامنا شديداً فلن يتخطّى حاجز الموت.
ان ترحّمنا على من مات واجب اخلاقي وهو لا يُبطل عدل الله ، حاشا.
رد مع اقتباس