وحدي والدنيا اتعرِفني شكثر وحدي
لا طفيت ابليل وانمدتلي شمعه
ولا نجم منكم عبر واتعده حدي
شبيدي لو خلّص دربكم يعني جدمي يريد يبدي ؟
آنه صوت الثابتين الماتوالم وي حچيكم
آنه مو عثره لمشيكم
گولو عني ..
الماي مذموم العطاشه
باچر تظل القصيده وكل شبيه الها ايتلاشه .
ايما_صباح
من رحت
باب الله سديته على اصبعي
_علي الشيباني
باب باب
اتوسل عيون المگابر ماتفك لعيوني باب
ولا خذتني الفاجده اتچمل حزنها
ولاصرت بزر التراب
ناصر البدري
الشص بلهاتي وشايغ من العض
ويگلي السفيه ، المنتچي ، المرتاح
تتعوض
إذا خلانه الله وصرنه شياب
عله ظهور العواچي نخط أساميكم..!
الشيــب والنــوم الهجــرته
وواهــسي وذاك الشــباب الذبليــته
ڪــلها منــك
ليــش مـن انســاك اسمــعك بــ المنـام
تگلــي فنــك
اجس گلبي الفضي متعـوب حد الويـل
وادعيله الصبر عن لايفشلني..
عفتني اتعثرت؛ والشوف، گد اموادعك كفّه!
لا تذكرني مثلي هواي ترضى بعيشة المنفه
و لسان الشـراع يطـول مـن إيفـارگ الضفّـه
خلص بستان نخلّ الشوگ و انته بعازة السعفه
اضل عطشان بس ما اضوگ من طيفك بعد رشفه
التجيبه الصدفـه مـرّه يجـوز ترجع تاخذه الصدفه
حلاة العايفك ، يلگاك ماعفتة
ياضوه إبلون إلحمام
إچفوفنه إنحنبها بيكم
من الروازين البعيده
إتمر علينا إوجوهكم ونغني بيكم
مو تعب حزن إلشفايف و الرسايل و إلغنه
للمثلكم
گمره
گمره
إنذوب و إنجيس إلتراب ونصحه گوه بلونكم گاع وسما
-
رد مع اقتباس