انتي سمرة وتارسه الدنيا حنان
تغار مني
اليشتهي العنبر عطرها
وتختصرني
لو لگت روحي بعيده
وضايگ الصحرة مطرّها
ياغزالة
استسهلي الليل
الخلگ ميته ع لونه
وانتي سمرة
وتارسه الدنيا حنان،
ونايم الحيل ع خصرج
ولمت حديثات يتشهن عرسهن
فوگ نحرج
ياغزالة
السمرة من تفك گصيبتها
الفلح يكبر نخلها
لاتتعبين العمر
مابي يورد
بروحي غابات انتجت بشجار ميته
ولاتشكين بدلالج
من تفتشين الگلب بس الج جيته
جيسي گلبي ومسحي عطاب السنين
حزني مابياش امسحه
اني حزني بلا محطه
حزني شجرة بلا عصافير وربيع
تدللي وصلي ع تعبي
حيل احب تعب النثاية الدافيه
واشتهي تخليني نجمة
بنص سماج الصافية
واشتهي تطيحين بجفوفي حبيبة
وارسم الغنوة ع زلفج
يالحن ماصار موالج نصيبه
توكلي.....
الشيب ع بابي
بدگة الشيب؟
العمر يشبگ صليبه
ازهر كريم
رد مع اقتباس
