هنا

[Nazkul]

قصيدة فگدناه بالسجن فگدناه لاستشهاد الامام الكاظم

فگدناه بالسجن فگدناهمننساه للأبد مننساه
لگيناه عالجسر لگيناه
اويلاه سيدي اويلاه
...
تنتظر ساعة قدومه شيعته واولاده
يل تمنيتو لقائه عالجسر ميعاده
بلهفة الحب ننتظر
جيته فوگ الجسر
بفجر يوم الجمعه كلها تنتظر احبابه
ساعه مرت لن سمعنه ينعه ناعي مصابه
موسى ابن جعفر گضه
خل تنوح الرافضه
بمصيبة شيعته بمصيبه
غريبه جنازته غريبه
عله الاه ننتظر عله الاه
اويلاه سيدي اويلاه
...
كل محب بجفونه دمعه وبيده شايل شمعه
بل نعش صوت السلاسل والحديد انسمعه
واعله جدران السجن
تارك دموع الحزن
عالجسر ويانه تبچي فاطمه المظلومه
گامت بشيلتها تمسح عن رگبته دمومه
هذي امه فاطمه
تصبغ الشيب بدمه
حبيبي اتگله يا حبيبي
نحيبي لغربتك نحيبي
سجيناه يبني يا سجيناه
اويلاه سيدي اويلاه
...
عالجسر ظلينه نلطم ناعيتنه الزهره
تگله عينك حمره وانه عيني مثلك حمره
جيتك بكسر الضلع
ارد اغسلك بالدمع
فاطمه اتغسل ابنها من دموع اعيونها
لن تشوف متونه سوده اتذكرت لمتونها
تسأله يبني اشلونك
شذنبك يضربونك
تضمه اعله الصدر تضمه
ييمه تناشده ييمه
نعيناه مقتلك نعيناه
اويلاه سيدي اويلاه
...
يا سجين مودع الله بلگلب احزانك
شما تذكر ذكره مصابك ينلعن سجانك
انت خالد للابد
هذا من الله وعد
يا ملك بالكاظميه كل زمان نشوفك
اتحيي بضيوفك ونسمع من تحيي ضيوفك
گبرك وگبر الجواد
صرتو ابواب المراد
انادي من البعد انادي
مُرادي نظرتك مرادي
نصبناه مأتمك نصبناه
اويلاه سيدي اويلاه
...

الشاعر كرار حسين الكربلائي

[سمراء من قوم عيسى]

احسنتي النشر

[Nazkul]

احسنتي النشر

نورتي