قصيدة : ابعث لكم هل رسالة
للشاعر : ايهاب المالكي
المناسبة : رثاء الامام الكاظم (ع) 1440
ليلة 24 رجب 1440 - العتبة الكاظمية المقدسة
طور المستهل : #واعدتها
ابعثلكم هالرسالة هالرسالة
ويه نعشي من خلاله من خلاله
بيها فكري
يشرح امري
جدران المحاجر ما يحدن نظر
سجاني تناسه گلبي يملك بصر
تزييف الحقايق صعبة يمحي اثر
الليل الـ تلوه اويه ضوه ما گدر
تروي ليكم ذكرياتي ذكرياتي
عن دعائي عن صلاتي عن صلاتي
صبري سري
يشرح امري
فاگد حيلي لكن ما فگدت الأمل
جنت امتاني جنه جمعتي اويه الأهل
حيّرت الرشيد و من صمودي انذهل
و ادموعي ابصلاتي اتحاصر المعتقل
سيفي قوة كبريائي كبريائي
صبري واضح كربلائي كربلائي
بيّه يجري
يشرح امري
انه ابن النبوة بيّه شارت بخت
دولتهم بديه مثل جمرة انطفت
سلطة جم خليفة يم آذاني انتهت
يعرف قدره يمي من خزرته و سكته
ذكرتهم بالسقيفة بالسقيفة
جدي بس هوّه الخليفة الخليفة
ليت شعري
يشرح امري
ماخذ من صلابة ذاكه راي الضمه
و ابلحظة دعائي اتطيح بيدي السمه
الجدران العظيمة و غربتي المظلمة
ما هزّني كياني عن هدف راسمه
غيبوني بالغياهب بالغياهب
ما دروني اني راهب انه راهب
يگضي عمري
يشرح امري
اني اول شرارة ثورة من السجن
و ابموعد منيتي ثورة بي تنعلن
حي و يبقه عايش ثاري ما يندفن
فجر انصاري يبزغ من ليالي الحزن
سلحتهم بالمصاحف بالمصاحف
كاظميين المواقف المواقف
يبقه گبري
يشرح امري
ما ميّز نهاري و ليلي لمّن يعش
جنت ادري ابصلاتي من آذان العرش
من لمسة سجدتي ظل اثرها نقش
جسر الكاظمية و ناس تبجي و نعش
دمعة دمعة ودعوني ودعوني
و ابحزهنم شيعوني شيعوني
موتي عذري
يشرح امري
ما تحمي ذكرنه الوادم المبغضة
من بعد علياً ابن موسى الرضا
مهما حاربونه و ضاق بينه الفضه
لابد تجي ساعة و العدل نفرضه
الله سووانه العلامة العلامة
مننه و اتقوم القيامة القيامة
هذا ذكري
يشرح امري
رد مع اقتباس
المشاركة الأصلية كتبت بواسطة علي *الاسدي *
