هنا

[sawsanmahmoud]

السادس الإعدادي:
لكل طالب يعاني من مادة الرياضيات ويريد فوك ال90 اقرأ
تقسيم درجات الرياضيات:
*شوف تقسيم الوزاري لدرجات الرياضيات حته يعرف دماغك كل فصل وزنه بالوزاري .
الفصل الأول الاعداد المركبة(20درجة)
الفصل الثاني القطوع المخروطية(20 درجة)
الفصل الثالث التفاضل(40 درجة)
الفصل الرابع التكامل(30 درجة)
الفصل الخامس المعادلات التفاضلية(20درجه)
الفصل السادس المبرهنات(20درجه)

مهمه جدا:
اول خطوة تسويها واهم خطوة تحضر ملزمه رياضيات مضبوطه سواء ملزمة مدرسك الخصوصي او مدرس ثاني تعرف انو ملزمته مضبوطة وملزمه حلول اسئله وزاريه
هسه شتحضر: تحضر ملزمه مضبوطه+ملزمه حلول اسئله وزاريه من 1996 الى 2018دور ثالث
من تقره بالملزمه مالتك سواء موضوع أو اي فصل كان وبس تخلص الموضوع أوالفصل بساع بساع بساع ترگض رگض عله الاسئله الوزاريه تحلهن شلع قلع من 1996 الى حد اخر دور وزاري، تجيب ورقه وقلم تتخيل نفسك كانو انته گاعد بالقاعه الامتحانيه تمتحن نفسك وتحل بهدووء وبتركيز.
اوصيك اوصيك بملزمة حلول الأسئلة الوزارية وعندي ملزمة لحلول الاسئلة الوزارية للأستاذ هيثم الطائي الى )+ملاحظات المراجعة المركزة.

تمهيد للرياضيات "نمط الاسئلة"
شوف عيوني تجيك 6 اسئله من 15 فرع تجاوب على 5 اسئلة وتترك سؤال فقط ولكل فرع 10درجات،وامتحانك يكون 150درجه وكالآتي:
#س1/A من الفصل الاول وB/من الفصل الثالث.
#س2/A مبرهنه وB/من الفصل الثاني .
#س3/Aجد تكاملات وB/من الفصل الثالث
#س4/Aمن الفصل الخامس وBمبرهنه وCمن الفصل الثاني
#س5/Aمبرهنه ديموفر وBفصل رابع (المسافه او الحجم) وCمن الفصل الثالث
#س6/Aمن الفصل الرابع وBمن الفصل الخامس وCمن الفصل الثالث
الاسئلة الثلاث الاولى كل سؤال فرعين،والاسئله البقية كل سؤال 3فروع وتجاوب عله فرعين من كل سؤال منهن
ونصيحة الك كلش مهمه، الافضل يكون سؤال الترك من الأسئله الأولى حصراا لان بيهن فقط فرعين وجوابهن إجباري وغالباً ما يجيك ضمنهن أحد اسئلة الهندسة الفصل السادس إللي أغلب الطلبة ميجاوبوا فيضطرون يتركون.

طريقه دراسه الرياضيات:
ورقة وقلم ، وأهم شيء الأسئلة الوزارية وتلتزم بمنهجك وأبتعد تماماً عن الخارجي والملازم الكبار ، فقط منهجك ووزاري ، ليش؟ لان الاسئلة الوزارية مُكررة الأفكار تجيك الأفكار مكررة والفرع الخارجي اذا اجاك يجيك بي فكرة أما من المنهج أو من سؤال وزاري سابقاً ، وهلشي حتكتشفه بنفسك من خلال حلك للاسئله الوزارية
بما انو دماغك هسه عرف توزيع الدرجات لكل فصل ووزنه بالوزاري ونمط الاسئله،هسه حگولك عله الثوابت الي تجي100% بالوزاري حته من تقره تعرف هذا الموضوع ثابت وزاريا.

#الفصل الاول:
▪️الفرع الاول/ثابت عله مبرهنة ديموفر و نتيجتها 100%.
الفرع الثاني/واحد من هذني
أماالصيغةالجبريه العاديه للعدد المركب والعمليات على مجموعة الاعداد المركبة؟/أوجد قيمة X,Y؟/أوجد الجذور التربيعية للعدد المركب؟/أوحل المعادلة في C؟/أوالتمثيل الهندسي للاعداد المركبه ارجاند؟/أوكون المعادله التربيعيه أذا علم جذراها او احدهما؟)
▪️الاوميكا بالنسبة للتطبيقي ٩٠%.

الفصل_الثاني:
الفرع الاول/ربط بين قطع ناقص وزائد او مكافيء . بحيث يكول مثلا ق ن بؤرته هي بؤرة ق م او ق ز .
الفرع الثاني/ينطي معادلة بيها قيم h,k مجاهيل ويطلبهن أو(انسحاب قطوع بالنسبة للتطبيقي)

الفصل الثالث:
المعدلات الزمنية 100%
ايجاد ثوابت رول والقيمة المتوسطة 50%
التقريب او نتيجة القيمة المتوسطة ١100% .
ايجاد قيم الثوابت 80%
▪️رسم الدوال 20% غالبا تجي دور ثاني .
▪️التطبيقات على النهايات . 100%

الفصل الرابع:
الفرع الاول/10 درجات جد تكامل
(أما قوس مرفوع لاس لو قسمة دالتين/أوتكامل دالة مثلثية نصا من الكتاب/أوتكامل لو ln لو e)
عشرة درجات لو قيمة مطلقة لو دالة مجزئة لو سؤال من تمارين 4-5 .
الفرع الثاني/عشرة درجات لو مساحة لو حجوم لو مسائل فيزيائية وعلى الاغلب مساحة .

الفصل_الخامس:
الفرع الاول/اثبت ان......أو هل ان… هو حل المعادلة التفاضليه 100%
الفرع الثاني/حل المعادلة التفاضلية المتجانسة فصل المتغيرات (ركز ع المتجانسة).

الفصل السادس:
الفرع الأول/مُبرهنة ( مبرهنة 7 ونتيجتها ومبرهنة 8 ومبرهنة 9 ونتيجتها ) تجيك وحدة فقط.
الفرع الثاني/تمرين من تمارين الفصل بصورة عامة.
*نصيحة: الك بالنسبة للفصل السادس (الهندسة) أضبط فقط المبرهنات وهنه 5 مبرهنات فقط واترك بقية الفصل يعني ضمنت لنفسك 10 درجات جايتك أكيد 100%

عيوني اذا ردت النجاح عليك بالسعي وإذا ردت السعي عليك بالتوكل على ألله وإذا توكلت عليك بتغيير داخلك ثم اعزم على ما نويت.
الأستاذ/ هيثم يوسف الطائي

[الاستاذ ابو علي الشبلي]

السلام عليكم و رحمة الله و بركاته
تنويه بسيط في السنوات الاخيرة اصبح تقسيم درجات الرياضيات في الامتحان الوزاري كالاتي
الفصل الاول 30 درجة
الفصل الثاني 30 درجة وقد كان 20 درجة سابقا و اضيفت له عشر درجات نتيجة حذف الفصل السادس
الفصل الثالث 40 درجة و احيانا 50 درجة
الفصل الرابع 30 درجة و قد كان 20 درجة واضيفت له عشر درجات نتيجة حذف الفصل السادس
الفصل الخامس 20 درجة