القصيدة: يا سيدي شد رايتك
الشاعر: محمد الظالمي
ذكرى استشهاد الإمام موسى الكاظم_ليلة ٢٤ رجب ١٤٤٠
العتبة الكاظمية المقدسة

ياسيدي شد رايتك
عجل علينه بطلعتك

عجل يمن اسمك نَقش
بلقيس جابتلك عرش
السجادة بيدي تنفرش
اتفضل انت وخطوتك

لو يبقه يوم بهالزمن
لازم تجي يبن الحسن
وتنادي يا ثار الظعن
وثار اعله ركضت عمتك

يالدمعتك مو دمعة دم
بيها رماد امن الخيم
ابنحر الطفل باقي سهم
يمته تشيله ابغترتك

شد رايتك يالمنتظر
وكحل اعيوني بالخبر
افزع مثل فارس مظر
مولاي فدوة الشيبتك

انت الذخر من الأزل
اذن علينه يا أمل
حي على خير العمل
حي الله انت وغيرتك

مولاي كلك مفخره
رهن الاشارة احنه تره
نوگف عليها الگنطره
واحنه الي نملي جربتك

اتمنه اشوفك واعتذر
بالسهله وتصلي الفجر
في چمکران ابقه انتظر
بكلي ابوسن لحيتك