بسم الله الرحمن الرحيم
السلام عليكم ورحمة الله وبركاته
اللهم صل على محمد وال محمد وعجل فرجهم واهلك اعدائهم
...........
بالأحزان
نستقبلك كل عام
والعنوان
دمعتــنه والآلام
نعيش بحزنك كل يوم
شهر حسين المظلوم
***
سنين ودمعة الذكرى
ما تترك نواظــــرنه
عدنه بالحزن إحساس
يهيـّـج كل مشـاعرنه
تبقه يا شهر عاشــــور
نبض ثورة ضمايرنه
حسين وكربله واسمك
عناويـــن التـــّذكرنه
ما ننساك
صورة بوسط كل عين
وبملكَاك
يحصل صـــبرنه امنين
جرح احبابك ملجوم
شهر حسين المظلوم
***
انته بمهجة العاشـــــك َ
ضميره وثورته ودينه
واليعرف محــبة احسين
ميكَدر يترك حسينــــه
تصير أيامـــك أيامــــــه
تساير دم شرايينـــــــه
واحنه بكد سعير الشوكَ
واكثــــــر لوعتك بينه
يا عاشور
ما ظل صبر بالروح
الدنيه اتدور
توهبنه هم واجروح
من يدري بالمهموم
شهر حسين المظلوم
***
عهدنه نخطــــه بالدمعات
جيـــــل بجيل نتذكر
من اجدادنــــــــه الميراث
من ايامـــــك المصدر
نعيش احنه ونموت احنه
وتجي الأحفاد تتصدر
تحيي الجيتك كل عــــام
مجالس والشمــل يكبر
الأجيال
تحيي بحزن ذكراك
الآمــال
عشناهه احنه وياك
خله اليريد يلوم
شهر حسين المظلوم
***
يلومونه البعض يا حيف
المن نلطــــــــم ونحزن
ما يدرون بالعبـــــــرات
الهه بكل كَلــــب مسكن
ما يرون حب حسيـــــن
النه بكل عصــــر مأمن
ندميهه الصدور ومـــا
يهمنه الي يســـيء الظن
بينه الحيل
اجيـــــال تقود اجيال
انهار وليل
نبقه اعله هذا الحال
اعلينه المآسي تحوم
شهر حسين المظلوم
***
نريد بمطلع أيـــــامك
نعاهد بيهــه أبو اليمه
نكَله اوياك يا مظلوم
كلـــنه ارواح مهتمــه
فداء الشهرك نقـــدم
دمنه وشهرك الرحمه
وتدري بشاربك ظلت
يبو الأحـــرار هالأمه
كلنه أنصار
مهما كَصــــانه البين
عهد أحرار
ما ننسه شهر حسين فوكَ الكَلب مرسوم
فوكَ الكَلب مرسوم أنْحَـب والگلـب مـذبـوح ..... وسيـف الْحسـره جتـالـه
مـن أذكـر شهـر عاشـور ..... وحيـن لـيگبـل اهـلالـه
******
علينـه بالـكـدر والضـيـم ..... شهر عاشـور إجـه بْهمـه
لفه شهـر الْحـزن والنـوح ..... وتراوه عله البشـر هضمـه
اومـن أگبـل بـدت دنيـاي ..... حزينـه وبالقـهـر ظلـمـه
وبدت كـل ذره مِـن الكـون ..... تِـوِن مـن حزنـه واهوالـه
******
شهر عاشـور بـدى بِهـلال ..... وسواده عله الوجـود ايلـوح
وتِحَـرَّم عالْجفـون الـنـوم ..... وذابـت بالنَحيـب الــروح
الشِمِـس مِتكـوره والأقمـار ..... حزينـه والنجـوم اتـنـوح
الكواكـب تنصـب الْمـاتَـم ..... علـى حسيـن بأشـد حالـه
******
تنوح الدنيـه مـن عاشـور ..... اوتِذكـر ماجـرى بيـومـه
على مر العصـور اتشـوف ..... يِجـدد ضيـمـه وهْمـومـه
مثـل هاليـوم ابـد ماصـار ..... وإلـك مـن كربلـه علومـه
تِخبـرك كربـلـه بالـصـار ..... وتِفصـل جُمـلـة احـوالـه
******
تِگلك عـن مسيـر احسيـن ..... وكـت ودَّع وطــن جــده
أخـذ كـل عترتـه الأطهـار ..... وراح ايـكـابـد الـشــده
طلع لِحسيـن مثـل موسـى ..... بلـيـل الكربـلـه ﮔصــده
اوساﮒ العيس ونين ونـوح ..... بـدى مـن أهلـه واطفالـه
******
أوِن يـاشـهـر لِـمْـحَـرَم ..... بدمـه گلبـي أهـل اعـبـار
أمـوت ابغصتـي وأنْـحَـب ..... لَـوَن أتذكَّـر اللـي صــار
وشهر بِيْـهْ آل اميـه حيـف ..... من آل الْهـادي دِرْكَـت ثـار
إجَت سبعيـن الـف بالبيـد ..... بيـن ارجــال وخيـالـه
******
يَـهـلال الـكِـدر هلـيـت ..... ولِفه وْيـاك الْحـزن والْهـم
ملامح مـن نزيـف اجـروح ..... من الطف تِجـري ضيـم ودم
صور مِـن أفجـع امْصيبـه ..... شِهدهـا عـاشـر امْـحـرم
انذبَح بيها الشـرع والديـن ..... انذبَـح بيهـا النبـي وآلـه
رحم الله من نااادى ////// وااااااحـــــــــســــينـ ــــــــــــــــــــــااا اااه////////
رد مع اقتباس
