هنا

[فقار الكرخي]

تعنت احبابه اليوم مشايه
أنصاره تبقى للدوم وفايه
اليوم هالطلعوا سويه
أجوا لارض الكاظمية
بغيره طلعت هالزلم

متعنيه والله لبوطلبه
بالمشي يامحله دربه
والجدم يسبك جدم

هذا ابوطلبه نزوره
واجب انوفي النذوره
نقسم بأسمه قسم

مايهمنه الي يحارب
وماتهمنه هل النواصب
نزوره والله ومانهم

احبابه اجته هاليوم عنايه

عامره تضل المواكب
ماتهمنه هل النواصب
وحك حماي الحمه

بالدرب نمشي سويه
نزور أمام الجعفرية
احبابه كلها قادمه

كصدت تزور ابوطلبه
والله تشكيله وتندبه
بشوك اجته هايمه

الزلم ماتخلف وعدها
تزور ابوطلبه قصدها
اجت ليه محزمه

يحققلهم هاليوم كل غايه

اليوم كل أهل العماره
مستعده للزياره
تزور أسد بغداد اجت

وياهم أهل الناصرية
تحضروا كلهم سويه
وللزياره تحضرت

وذوله اهل النجف كلهم
مابرد والله عزمهم
يم أبن جعفر لفت

وذوله أهل بغداد صاحوا
يمنه زوار استراحوا
والأكل ليهم قدمت

وبالمواكب رفت اليوم هالرايه

الزاير بلهفه يجيلك
وعن همومه يشتكيلك
ويريد منك راده

المعتني وطايح بشده
يبوطلبه لاترده
انطيه والله مراده

بالشده منريدك تعوفه
تعرف همومه وتشوفه
لواجه ابابك ناده

نحلفك بجدك حسين
تكون للزاير معين
نحلفك بعمت الساده

أجو يمك هاليوم شجايه





عماد الدراجي

[Long Days]

سلام الله عليك يا مولاي، احسنت النشر

[حہيہدر الہبغہداديہ]

.
ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي