قصيدة : مشاي أزورك يا مسموم
للشاعر : سيد معتز سلام الحسني
المناسبة : رثاء الامام الكاظم (ع) 1440
طور : #طال_انتظارك_ياموعود
مشاي ازورك يامسموم
اَحسب ليالي واحسب ايام
يمته اَجي سيراً عالاقدام
واوصل ضريحك يبن الاكرام
كلب اليحبك يبقة مهضوم
مثل اربعين حسين مولاي
حتة الهوة شاهدتة مشاي
جيت وجبت دمعاتي وياي
ادري اعلى بابك انسة الهموم
متعود امشي وانسة الاخطار
صوت المواكب زادني اصرار
كلها تنادي اهلاً يزوار
وفيتوا وية المات مضلوم
خليني ابشرك كثرة الاعداد
ناسك اجتك رايدة مراد
يلي نلقبك اسد بغداد
شامخ ضريحك مثل النجوم
حكة الكلب لو يبقة مكسور
بالضلمة ليش تموت يالنور
سوينة يومك عشرة عاشور
ابكل كلب جرحك دمع مرسوم
كصدت تشيع نعشك الناس
بين اليون واليلطم والراس
يلي غربتك تدمي الاحساس
كل جرح بية اعليك ملجوم
اَمشي وتهل من دم العيون
كالولي عنك عشت مسجون
شفت المأسي ابحكم هارون
عمرك كضيتة وانتة مالوم
رد مع اقتباس
