رايج مشمش گاع الكمره
إنفكت بيبان الحنطه
ومر نهر إگلايد ع العنبر
والمنجل حد عينه وحومر
والحلقوم بسرعه تخدر
وانتفضن للموسم چم خوخه
والحاصود بسرعه تحضر
وتمايل سوباط المشتل
وبكل خطوه الهيل تعثر
رايج مشمش گاع الكمره
والدم عله إعروگه تخثر
مد ظل الغيمه بصبخاتي
ومن عندي استيعاب اتنطر
وتلاگه المجذاف بروجه
وسير يشتم بالمچبوسه
كلشي بزيج الشجره يفوّرّ
من بهيده، بهيده، تبوسه
ونز ذاك الحلقوم يدور
ياهو الحسسني اني عروسه
ونطبگن گاعين وغيمه
والحِلان يريد الدوسه
وبين الرگبه وإذن النثيه
عاشن چكليته وچم ياسه
وحز خشونه بظهر الغيمه
چف طباگ إخشين جاسه
ومن هبت فجرية ربك
كلمن گام يدور كاسه
عبدالله العبدلي
رد مع اقتباس
