قصيدة: عرش الله هم كبر
استشهاد الامام الكاظم (ع)
1440
عرش الله هم كبر ياموسئ بن جعفر
---------------------------
موسئ بن جعفر نشيع جنازته فوك الجسر
خلي كلمن سمع بيها يكوم يلطم عل صدر
اجنازته بيها سلاسل جنها جايه امن اليسر
هذا سيدنا الغريب العاش من قعر القعر
والسجن بيه نور
ياموسئ بن جعفر
-------------------------
يله خلونه نشيعه وكلها خل تبجي وتصيح
كام ويانه يشيع حته الحسين الذبيح
واجه ويانه العليل يشيع يكوم ويطيح
هاي جثه موسى بن جعفر حسافه تستريح
كلها خل تحظر
ياموسئ بن جعفر
--------------------------
كلشي ماشاف بحياته بس مصايب بالسجن
خلي كلشي يون عليه وخلي تبجيله المزن
هذا مولانه الغريب المره ماعافه الحزن
كلها خل تبجي عليه وكلها خل تبجي وتون
خل كلشي يتغير
ياموسى بن جعفر
--------------------------------
يله ياشيعه نشيعه هذا ابن اطهر نسل
كلها خل تحضر تشيعه من الطفل حد الكهل
خلي كل دمعة موالي وكل محب خل تهمل
ولو تونوا عله الغريب يزول عنكم كل حمل
خل نفدي اله المنحر
ياموسئ بن جعفر
---------------------------
خل نعين الرضا ياشيعه تره صعب المصاب
خلي نلبس لون اسود عله الراس انهل تراب
موسى بن جعفر يشيعه شاف انواع العذاب
دمعه لو هليتها تخفف عليك شكد حساب
تحضه برضى الاكبر
ياموسى بن جعفر
------------------------
الشاعر باقر_الشغانبي
رد مع اقتباس
المشاركة الأصلية كتبت بواسطة حيدر (البغدادي)
