قصيدة:كربله وسامره اجن للكاضميه
استشهاد الامام الكاظم (ع) 1440
كربله وسامره اجن للكاضميه والمدينه ومشهد وحامي الحميه
--------------------------
كل الائمه اجتمعوا بهاي المصيبه
وكلهم يلطمون عل جثه الغريبه
وكام ابو فاضل يكول الماي اجيبه
وارد اوزعنه بثواب اختي السليبه
بيدي اوزعه للحضر هاي المسيه
--------------------------
حسين والعباس اجو وياهم انصار
لكبر موسى الكاظم ينادون بشعار
هذا ابن اشرف نسل هذا ابن الاطهار
مايخيب امل واحد من الزوار
وخصه اذا حلفه بالزهره الزجيه
--------------------------
اجت سامره الحسن والهادي هل يوم
تواسي ابو محمد ببوه المات مسموم
ويه جيتهم اجت وياهم اغيوم
والاطيور عله المناره تبجي وتحوم
زيارة الكاظم زياره عالميه
---------------------------
ولنها لحضه وبين الهادي الرسول
دمعته بعينه واجت خلفه البتول
والبقيع البيه اجو مو بل خيول
كرهو الخيل بوكت كامت تصول
عله خيام اخت الحسين الهاشمه
-------------------------
لنها لحضه وبين علينه الرضا
فراك ابوه الكاظم الي مرضا
يبجي يتنخى بعلي المرتضى
راح عمري ياعلي كله وكضه
بيوم شفت الوالد وياه المنيه
-----------------------
وحيد الكرار اجه وايده عله ضهره
وكلبه من كد المصايب صار جمره
بدمعه راح المرتضى يحضن الزهره
يكلها يافاطم الكاظم خلص عمره
الصار مايتوصف بهاي القضيه
--------------------------
الشاعر _باقر_الشغانبي
رد مع اقتباس
المشاركة الأصلية كتبت بواسطة حيدر (البغدادي)
